Jems 2:5 - DAWAN BÎLA AISKA

⁵ Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

Jems 2:5 Iomraidhean Croise

1 King Nani 22:28

Kau ban Micaías aisin: “Man raya kli balma kaka, Dawan ba yang bâk aisaras kan.”

Job 34:10

Bamna man nani, upla sinskira nani, yang ra wals, lukaia apia sa Gâd karnika sut bri ba, saura daukbia, kasak apia ba sin daukbia,

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Job 38:14

Bamna tasba wina twi bîla nani ba takisa, prâk maman maplira ba baku.

Impakan Sturka 20:6

Sakuna baha nani latwan ai kaiki, lâika bîla nani kat dauki nani ba, kiamka tausin nani ra latwan kaikisna.

Sins Lâka 13:7

Upla tila yuyakira kaia munisa, sakuna diara sut luha sa; upla tila sin umpira baku pulisa, sakuna yuya ailal brisa.

Sins Lâka 7:24

Bamna nanara, yang luhpi, ai wals; yang bîli aisinka nani sin aman wali bas.

Sins Lâka 8:32

“Bara nanara, luhpi nani, yang ra wals; yamni pali kama, yang yabalki ra kaka.

Aiseya 14:32

¿Baha kuntrika ra blikan uplika nani aula blikan pana dîa wibia? Dawan mita Saion ba nikbras, bûi kaia daukan, baha nani sarka pakan ba bahara bri yukuwaika ba yabia.

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Sakaraya 11:11

Baha yua sîp âiatkra nani ai kaiki kan ba ai dara walan, witin nani wal lâ daukan ba bahki takan, tânka brin yang dauki katna ba sika, Dawan aisi kan ba.

Sakaraya 11:7

Bara sîp nani ikaia watla ra brih waia lâ daukan ba, mahka main kaikri. Bara âiatkra nani aikuki atkaia lâka ba yang daukri. Bara dus wâl brih, nina nani ba naku mâkri: kumi ba wîri “Hilpka yabaia”, wala ba wîri “Asla kaia”.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Mark 7:14

Jisas kli upla nani ra naku win: —Man nani sut yang ra wali, tânka sin bris.

Luk 12:21

Upla ra baku takisa, ya ai wîna dukiara baman luki diara suni ba ra, sakuna Gâd mawanra diara âpu pali ba.”

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

Luk 16:22

Yu kumi Lasarus ba pruan, bara insal nani bui brih wan Paradais ra, Ebraham wal kaia. Ningkara waitna yuyakira ba sin pruan, bara bikan.

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 22:29

Baha mita, yang bui man nani ra king lâka kum maikaisna, Aisiki mita yang ra aikan ba baku.

Luk 6:20

Jisas ai disaipilka nani ra kaiki, win: “Man nani umpira nani, liliam bas, kan Gâd king aimaki lâka ba, man nani ra maikan kabia.

Jan 7:48

¿Dîa wan wihtka nani na tila wina, apia kaka parisi nani na tila wina kum pat Jisas ra kasak lukan sa ki?

Apastil Nani Sturka 7:2

Bara witin pana aisin: —Muihni nani bara aisa nani, ai wals. Wan Gâdka pranakira ba mita wan damika Ebraham ra param takan, witin Mesopotamia ra iwi kan piua, kau Eran ra wih iwras kan ba ra.

Roman 8:17

Bamna yawan na Gâd luhpia nani sa kaka, witin mita wankaia win dukia nani ba yawan bribia. Baha dukia nani ba yawan bribia Kraist wal asla; bamna nanara yawan na Kraist wal asla pât nani wahwisa kaka, witin wal asla sin ai prana ba naika bribia.

1 Korint 2:9

Sakuna, Ulbanka ra wi ba baku: “Witin ra latwan kaiki nani dukiara, Gâd diara nani ridi daukan sa; baha dukia nani ba kau upla kumi sin kulkras sa, walras, bara luki pali sin kaikras.”

2 Korint 4:15

Naha diara nani sut na baku takan sa, man nani hilpkam kaia ba mata, baha mita upla manis Gâd wina yamnika bri nani ba, baha wina manis mita sin tingki wibia, Gâd prana daukaia dukiara.

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Epesus 1:18

Gâd ra makabisna man nani sinskam ba ilingbia, baku mika tânka bri kama dîa dukia bîla kaikaia wisi mai paiwan ba, bara Gâd ai uplika nani ra diara yaia pramis munan ba nahki yuyakira bara pranakira sa,

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

1 Tesalonaika 2:12

Mai smalkri, man nani lika Gâd uplika nani watauki ba baku kama; witinka mai paiwi ba, ai kingka lâka bara ai prana ba sin witin ai dukia sa.

2 Tesalonaika 1:5

Naha na marikisa, Gâd ba lâ kasak kat dauki ba tânka, kan man nani ba aitani mai kulki mai brisa, Gâd King aimaki ba lâka ra dimaia, bara baha tâwan sika pât wahwi banhwisma ba.

1 Timoti 6:18

Witin nani ra smalki wis, diara pain ba daukbia, bara wark yamni nani mapara yuyakira taki kabia, bara wilin kabia dîa bri nani ba upla wala nani aikuki yui briaia.

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Hibru Nani 11:26

Witin Kraist tâwan bahki kulkan kaia pâtka wahwaia bani ai wîna ba kau yuyakira kulki kan, Idsip yuyaka aiska bri kaia ba wal; kan Gâd mita mana tara yabaia kan ba kat ai nakra kahbi bri kata.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Jems 1:16

Muihki laitwankira nani, upla yarka kunin mai munbiara;

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 1:9

Wan muihni kum bawan lâka bri ba, Gâd mita purara bukbia, bara ai âuyapah kabia;

1 Pita 1:4

bara baku diara manira nani kasbrika purara man nani dukiam wisi Gâd suni bri ba, witin mita maikbia. Baha dukia nani ba lika sip aisawras sa, sip sin tâski takras, bara sin sip sriwras.

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.

Wihta Nani 9:7

Jotam baha sturka ba walan ba ra, witin Guerizim ilka purara plapi ulan, bara il pura ba wina ai bîla baikra karna wini aisin, tawan uplika nani ba sut walaia dukiara: “¡Siquem uplika nani, man nani bui yang ra pain ai wals! ¡Bara Dawan sin man nani ra baku mai walbia!

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.

1 Samuil 2:8

Gâd ba umpira nani ra alki tasba wina bukisa, makakabra umpira nani ba dipasta wina sin, witin nani ra yabisa, wihta tara nani wal iwaia, upla tara kulkan nani ba tilara iwaika ra yan iwisa. Kan Dawan ba sika tasba playka nani bapan ba dawanka, bara baha nani purara sika tasba na mangkan sa.