Jems 2:25 - DAWAN BÎLA AISKA

²⁵ Rug mairin Rahab ra sin baku takan. Gâd mita witin ra kasakkira baku kulkan, witin daukanka ba tâka mita, kan sturi brin uplika nani ba ai watla ra yukuki brin, ningkara yabal walak sakan wan.

Jems 2:25 Iomraidhean Croise

Matiu 1:5

Booz aisika ba Salmón, bara yaptika lika Rahab. Obed aisika ba Booz, bara yaptika lika Rut. Obed ba Jesé aisika.

Matiu 21:31

¿Wâl ba wina ani ba ai aisa want kan ba kat daukan? —Witin nani pana win: —Pas ba. Bara Jisas witin nani ra win: —Man nani ra kasak pali mai wisna, lal mana saki Rom ra yabi nani ba, bara rug mairin nani ba sin man nani kainamra Gâd king aimaki tasbaya ra dimbia.

Apastil Nani Sturka 17:7

bara Jasón ai watla ra dingki brisa. Naha nani Rom kingka Sisar lâka mapara buisa. Witin nani sin wisa king wala kumi bâra sa, baha ba Jisas.

Hibru Nani 11:31

Kasak lukan lâka mita Rahab, witinka rug mairin ba, kiamapara nani ba aikuki pruras kata, kan witin mita biki kakaira uplika nani ba uplika lâka kat ai watla ra dingki bri kan.

Jems 2:18

Sakuna ban kra upla kum mita wala ra naku wibia: “Man kasak lukan lâka brisma, bara yang lika yamni daukisna.” Bamna man kasak lukankam ba diara yamni daukras kira ai mariks, bara yang mita daukanki yamni ni kasak lukanki ba mamrikamna.

Jems 2:22

¿Kaikras sma ki? Ebraham kasak lukanka ba ai daukanka wal kumi asla daukan sa; witin ai kasak lukanka lâka bara ai daukanka nani mita kasak pali marikan.

Jems 2:24

Man nani kaikisma, Gâd mita upla kasak lukisa wi ba, bahara witin aitani kulkras, sakuna wark yamni dauki ba ra lika.

Jasua 2:1

Sitim wina Jasua bui waitna wâl saki Jeriko ra blikan, tawanka tânka ba pliki kaikaia. Baha waitnika nani ra witin naku win: “Man nani Jeriko tawanka tara ba ra was bara witin nani ba tânka pliki laki kaiki bal wan wima.’’ Witin nani wan, bara tihmia kum tawanka ba ra luaia dukiara rug mairin kum nina Rahab wi ba watla ra takaskan.

Jasua 2:15

Rahab watla ba tawan kutbanka ba purara mâkan kan, bara witin kiwa kum saki waitna nani ba ra yaban, witin nani bahara alki, windar bâk alahwi tasba ra iwi wan.

Jasua 2:16

Rahab witin nani ra win: —Man nani il nani tilara plaps, bara baha nani mai pliki tauki sip mai sâkbia apia. Yu yumhpa bahara yukuwi bas, witin nani mai pliki si kli tawan ra tawi bal dimbia ba kat. Baha ningkara man nani taki mahka yabalkam ra impaks.

Jasua 2:4

Sakuna Rahab waitnika nani ba yukuki si, bara suldiar nani ra win: —Âu, man nani aisisma ba kasak, tila waitna nani yang ra balan kan, sakuna witin nani ba ani wina balan sapa yang tânka briras kapri.

Jasua 2:6

Sakuna kasak pali aisaia kaka, waitna nani ba witin mita utla bahna ra suni linin kiaubi wilkanka nani bâra kan ba tilara swin yukuwi banhwi kan.

Jasua 6:17

Bamna tawanka ba, bilara diara nani bâra ba, sut pali ba aiska sauhki tikaia sma, kan Dawan adarka ba baku win. Rahab rug mairin ba, baha ai watla bîla uplika nani bâra ba baha nani baman raya ban swima; witin nani ba ikpara, kan tawan tânka pliki kaikaia blikan waitnika nani rayaka ba, witin mita yukuki swaki sakan bamna.