Jems 2:1 - DAWAN BÎLA AISKA

¹ Muihki nani, man nani wan Dawan Jisas Kraist pranakira ra kasak lukisma ba, uplikam kum bara wala wal purkara kau tara kulkpara.

Jems 2:1 Iomraidhean Croise

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Sins Lâka 24:23

Baku sin naha bîla nani sin sinskira nani aisin bîla ba: Yamni apia sa lâ aisi daukaika iwaika ra upla mawanka kulkaia.

Sins Lâka 28:21

Yamni apia sa upla ra mâyara kulkaia ba, plun yuya kum pali dukiara, upla ba saura daukaia sip sa.

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Apastil Nani Sturka 10:34

Bara Pita mahka aisi, win: —Nanara kasak pali kaikisni, Gâd mapa ra upla sâtka kumi upla sât wala ba wal aihka apia sa,

Apastil Nani Sturka 20:21

Ju nani ra bara Ju apia nani sut ra smalki kapri, ai saurka nani ba wina ai kupia lakbia Gâd mawanra, bara kasak lukbia Dawan Jisas ra.

Apastil Nani Sturka 24:24

Yu tila nani luan ra, Félix ai maya Drusila ba wal balan, witinka Ju mairin kan, bara Pal ba paiwan witin nani ra, Jisas Kraist ra kasak lukaia tânka ba dukiara aisabia wisi.

Apastil Nani Sturka 7:2

Bara witin pana aisin: —Muihni nani bara aisa nani, ai wals. Wan Gâdka pranakira ba mita wan damika Ebraham ra param takan, witin Mesopotamia ra iwi kan piua, kau Eran ra wih iwras kan ba ra.

Roman 1:11

Kan yang bui man nani mai kaikan ai daukisa, bara spirit hilpka sin maikaia, bara baku lika man nani kau karna taki kama;

1 Korint 2:8

Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Kolosi 1:4

Man nani Kraist Jisas ra kasak lukisma ba, yang nani walri, bara Gâd uplika sut ra latwan kaikisma ba sin,

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Jems 1:16

Muihki laitwankira nani, upla yarka kunin mai munbiara;

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 2:3

bara kwala painkira dimi ba ra kau kulkanka yabi muni wima: “Man naha pliska pain na ra bal iws.” Sakuna waitna umpira ba ra lika: “Man bahara wih bûi bas, apia kaka naha tasba na ra iws” baku daukisma ba ra,

Jems 2:9

Kuna man nani upla mawan pîska ba kaiki, aihka kulkisma kaka, saurka lâka daukisma; bara Gâd lâka mapara man nani pâtkira sma.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Param Marikanka 14:12

¡Nâra sika Gâd uplika nani, ai kupia alki bri ba kaikbia, baha nani Gâd lâka nani wali dauki ba, bara Jisas ra sin ban kasak luki nani ba!