Jems 1:8 - DAWAN BÎLA AISKA

⁸ kan ya naiwa diara kum lukisa, bara yauhka diara wala, ai daukanka ba wapni bapi buras sa.

Jems 1:8 Iomraidhean Croise

1 King Nani 18:21

Bara Ilayas upla nani ba lamara wih win: —¿Ahkia kat man nani ba lukankam wâl brisma ba swiaisma? Dawan ba Gâd sa, ai nina blîks, bara Baal ba gâd sa kaka, witin ninara was. Bara upla nani pana diara aisaras kan.

2 King Nani 17:33

Baku bamna, Dawan ra mayunra yabi kan sakuna, silp ai gâdka bahki nani ra sin mayuni kan, ani tasbaika wina witin nani balan kan ba natka ba kat, ban dauki banhwi kan.

Lawana Nani 119:113

Ai mawan wâl bri uplika nani ba, yang saura misbara kaikisni; sakuna man smalkankam lika latwan kaikisni.

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Oseas 10:2

Israel ai lukanka wâl brisa, bara nanara saura daukan ba mana ba aibapaisa. Dawan bal ai altarka nani ba slingbi tikbia, bara ai gâdka bahki nani altarka walpaya nani paskan ba sin slingbi tikbia.

Matiu 6:22

“Namkra nani ba lika wînam tara mapa ra lamp kum baku sa; baku bamna, namkra nani ba pain kaka, wînam aiska ba sin ingnika bri kabia;

Matiu 6:24

“Upla kumi sin dawan wâl dukia sip daukras, kan kumi ra misbara kaikbia, bara wala ra latwan kaikbia; kumi ra kasak kulkbia, wala ra bahki kulkbia. Man nani sip apia sma Gâd bara lalah wal dukia daukaia.

Jems 1:7

Ya baku sa kaka, lukpara Dawan wina diara brima apia ba,

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.

2 Pita 3:16

Ai wauhkataya nani sut ra naha diara nani tânka mai aisin sa, kum kum tânka briaia karna sa, bara sins aitani briras nani bara kasak lukan lâka mapara swapni nani ba mita lika warbi lakisa, ulbanka wala nani warbi laki ba baku, witin nani sut âpu takaia ba dukiara.