Jems 1:6 - DAWAN BÎLA AISKA

⁶ Sakuna kasak luki makabaia sa, namhpa namhpa lika apia. Baku luki uplika ba lika sim kabu ra rip baku sa, pâsa mita tawi, tani kumi wina wala ra brih auya baku.

Jems 1:6 Iomraidhean Croise

Blasi Sturka 49:4

Sakuna man baman tâura ban kama apia, man ba tingni kum lî aibanhwi takaskras ba baku sma. Yapaiki ba man mita swira daukram, yang mayi wala ba wal yapram ba ra.

Matiu 14:28

Bara Pita mita pana aisi, naku win: —Dawan, man sma kaka, aikrika man bâra sma ba kat lî purak wamna.

Apastil Nani Sturka 10:20

Man mahka bûi munhtara iwi wih, baha nani wal was. Namhpa namhpa sin lukpara, kan yang mita baha waitnika nani ba blikri sa bamna.”

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.

Hibru Nani 10:23

Yawan lika Gâd pliki lâka mita, wan kainara diara briaia bîla kaiki ba aihka lakras pali ban alki bri kap, kan Gâd ba yawan ra pramis daukan ba kat witin daukbia.

Hibru Nani 11:6

Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

Jems 1:7

Ya baku sa kaka, lukpara Dawan wina diara brima apia ba,

Jems 5:15

Bara witin nani kasak luki ai pura sunbia ba ra, siknis uplika ba rawbia, bara Dawan mita witin ra bukbia; bara saurka nani daukan kaka, sut swih tikan kabia.

2 Pita 2:17

Naha smasmalkrika nani lika, sim tingni kumi lâwan ba baku sa, kasbrika nani pâsa mita aki brih wi ba wal baku sa; bamna baha nani dukia wisi, Gâd mita plis tihmu tara pali kum ridi dauki swin sa.