Jems 1:18 - DAWAN BÎLA AISKA

¹⁸ Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.

Jems 1:18 Iomraidhean Croise

Jirimaya 2:3

Israel ba yang baman mayi kan, mâ kau pain nani ba witin wina dâki kapri. Upla kum witin ra saura munuya ba ra, uplika ba klala yabi kapri pât saura nani baha uplika ra bliki. Yang, Dawan, kasak aisisna.”

Libait Lâka 23:10

“Israel luhpia nani ra wis: Man nani ra tasba kum maikaia wîri ba tasbaya ra dimma ba ra, plawar dâkma ba ra, baha mâ nani kiaubi wilkanka pas wilkma ba, prîs ra yama.

Emus 6:1

¡Saura pali kabia baha nani, Saion ra wark daukras bahki man bâra iwi nani ba! ¡Baha nani Sameria ra lukras kira iwi nani ba, saura pali kabia, tawan tara nani lalka, kau tara kulkan nani bri ba, baha nani ra Israel luhpia nani ba wih pliki ba!

Jan 1:13

Witin nani Gâd luhpia sa, diara nani paskanka ba wina lika apia, baku sin upla brinka bâk sin apia, sakuna Gâd mita ai karnika wal mangkan bamna.

Roman 4:17

Ulbanka ra aisi ba baku: “Man ba nisan ailal aisika mai daukri.” Bamna baha Gâd ra sika Ebraham kasak lukan ba, pruan nani ra rayaka yabi Gâdka ba bara diara kau âpu ba sin yan bal taki ba.

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

2 Korint 6:7

diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin.

Epesus 1:12

Witin baku daukan, baha mita yang nani pas tâura Kraist ra luki kainira diara briaia lukri ba, raya banhwi kamna Gâd ai prana tara ba tâwan mayunan kabia dukiara.

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

2 Timoti 2:15

Man ba nahki sip kama ba kat bas, wark uplika aitani kulkan kum baku Gâd mawanra bus, wark tatakra kum ai warkka ba tâwan ai swira lukras baku, Gâd kasakkira tânka bîla ba wapni kat smalki uplika baku.

Hibru Nani 12:23

Man nani ba Gâd luhpia tawahkia nani asla aidrubanka liliakira lamara balram sa, witinka nani nina nani kasbrika purara ulban ba. Man nani ba Gâd lamara balram sa, witinka upla sut Lâka Dadaukra ba, bara upla yamni nani Gâd mita kasakkira nani daukan ba lamara sin.

Jems 1:15

Naha brinka saura nani wina sika saura lâka takisa; bara saurka ba tara pâwan ba ra, prura ba aula.

Jems 1:21

Baku bamna, tâski lâka, saurka lâka ailal ba sut swi si, bara bawan lâka ra sturi painkira kupiam ra mangkan ba alki bris. Kan baha sturka yamni ba lika, swaki mai sakaia karnika brisa.

Jems 3:14

Sakuna man nani kupiam ra tuman lâka tahpla pali brisma ba ra, wînam dukiara sin diara nani daukisma kaka, sinskam ba dukiara wînam ra tara lukpara, kan baha ba kasak lâka mapara kunin aisisma, apia sin wisma.

1 Pita 1:23

Bamna man nani kli aisubi takram sa, aisikam upla ba wina lika apia, kuna Gâd bîla raya iwi ban kaia ra bâra ba wina mika.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

1 Jan 3:9

Ani uplika Gâd luhpia kaka, witin sip ban saura daukras, kan raya kaia lâka ba Gâd wina yan brisa. Bamna witin ban sip saurka lâka dauki taukras, witin ba Gâd luhpia sa bamna.

Param Marikanka 14:4

Naha nani sika mairin nani wal tâski taki banhras kan ba, bamna witin nani sunu ban sa. Witin nani na Sîp Luhpia ba nina blikisa ani anira wabia ba; witin nani na upla nani tila wina swaki sakan sa, bara naha nani sika pas upla nani Gâd dukia bara Sîp Luhpia ba dukia sin.