Jems 1:16 - DAWAN BÎLA AISKA

¹⁶ Muihki laitwankira nani, upla yarka kunin mai munbiara;

Jems 1:16 Iomraidhean Croise

Matiu 22:29

Jisas pana aisin: —Man nani lika tanis mamwahkisma, man nani sin Ulbanka ba tânka briras, Gâd karnika ba sin kaikras sma ba mita.

Mark 12:24

Bara Jisas witin nani ra win: —Man nani mamwahkisma, man nani ulbanka nani tânka briras sma bamna, Gâd karnika ba sin kaikras sma ba mita.

Mark 12:27

¡Gâd lika pruan nani Gâdka apia sa, sakuna raya nani Gâdka sa! Baku bamna, man nani lika uba mamwahki banhram sa.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Galesha 6:7

Man nani lukankam ra kunin munpara: upla âpu sa Gâd ra lawaska kikaia. Upla mita dîa mangki ba baha sika krikbia.

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

Pilipai 4:1

Baku bamna, muihki laitwankira nani, man nani mai kaikan pali ai daukisa; man nani sika lilia ai daukisma ba, bara yang prisantki sin. Laitwankira nani, man nani baku ban Dawan ra rayakam ba bapi bûi bas.

Kolosi 2:4

Naha yang bui man nani ra mai wisna, upla kumi mita sin yarka ai bîla damni aisi ba ni, kunin mai munbia apia dukiara.

Kolosi 2:8

Man nani aman kaiki bas: Upla nani kunin baman diara bahki aisi ba mita yarka kunin mai muni mai brih wabiara; kan baha nani ba Kraist ra ai tâ baikras sa, sakuna upla iwanka lâka kat bara naha tasba lâka karnika baman ra wataukisa.

2 Timoti 2:18

Naha nani wâlsut na, kasak tânka ba wina tnaya ra takan sa, bara witin nani aisisa, pruan wina kli buaia lâka ba pat lui wan, bara baku lalukra tila nani kasakka lukanka lâka ba, aihka baman laki taukisa.

Hibru Nani 13:1

Man nani pana pana walkam nani aikuki, muihkam nani baku latwan lâka ba ban bri bas.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

Jems 2:1

Muihki nani, man nani wan Dawan Jisas Kraist pranakira ra kasak lukisma ba, uplikam kum bara wala wal purkara kau tara kulkpara.

Jems 2:14

Muihki nani, upla kum wibia kasak lukan lâka brisa, sakuna wark yamni daukras kaka, ¿witin mapara dîa hilpka bâra kabia ki? ¿Kasak lukan lâka ba mita sip sa ki witin ra swaki sakaia?

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

Jems 3:1

Muihki nani, man nani tilamra smasmalkra ailal kaia apia sa, kan man nani pain kaikisma, yawan smasmalkra nani ba lika, wan lâka kau karna daukan kabia.

Jems 3:10

Sim bîla wina mayunra nani bara lahtuban nani sin takisa. Muihki nani, naha na naku kaia sip apia sa.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

Jems 5:12

Sakuna, muihki nani, diara sut purkara swer takpara pali, kasbrika purara ba nina mâki, tasba nina mâki kra, swer sâtka wala sin daukpara. Man nani “âu” wima ba, yarka “âu” kabia, bara “apia” wima kaka, yarka “apia” kabia; baku mika Gâd lika pât ra mai dingkbia apia.

Jems 5:19

Muihki nani, man nani tilam wina kum kra kasak tânka wina tnaya ra takbia ba ra, upla wala mita kli wapni ra mangkbia kaka,