Jems 1:13 - DAWAN BÎLA AISKA

¹³ Ya ya diara saura daukaia traika kaikanka kat kasak lukbia, witin traika kaikan ba Gâd mita witin ra yabisa. Gâd lika diara saura daukaia traika kaikanka briras, upla ra sin witin mita traika kaikras.

Jems 1:13 Iomraidhean Croise

Blasi Sturka 22:1

Baha diara nani taki luan ba ningkara, Dawan ba Ebraham kasakka lukanka lâka ba kaikaia mata, traika kaikanka kum daukan. Witin ai nina mâki winan, bara Ebraham pana witin ra win: —Yang nâra sna.

Blasi Sturka 3:12

Bara upla ba pana win: —Mairin yang wal kaia aikram ba, witin dus ba wina mâ aikan, bara yang piri.

Aiseya 63:17

¿Dîa muni, Dawan, man yabalkam nani wina yang nani maiwahki kaia ai daukram, kupi nani karna daukram yang nani na mai kulkaia apia? Man albikam nani ra latwan sma ba luki lukanki na kli laks, baha kiamka nani uplikam nani ba ra luki.

Matiu 4:7

Jisas bila witin ra: —Ulbanka ra sin wisa: ‘Man bui Dawan Gâdkam ra traika kaikpara.’

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Jems 1:14

Kuna, ya ya ai brinka nani mita raski pât ra dingkisa kaka, witin ba traika kaikan ra kauhisa.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.