Jems 1:10 - DAWAN BÎLA AISKA

¹⁰ lalahkira ba Gâd mita mâyara lahbia ba ra, witin lilia kaia sa. Kan yuyakira ba, twi tangnika nani ban kaia apia ba wal baku sa.

Jems 1:10 Iomraidhean Croise

Job 14:2

Upla ba tangni kumi baiwi, ai prana saki si kli srawi ba baku sa; mukus kum bal taki si kli âpu taki ba baku sa.

Lawana Nani 102:11

Yui nani ba dista kum baku lui wata; twi baku lâwi luan sa.

Lawana Nani 103:15

Upla rayaka ba, inta wahia baku sa; unta ra tangni urhwi taki pâwi ba baku sa;

Lawana Nani 37:2

Witin nani inma baku pat pali lâwi tiwbia; ¡twi kura srawi baku srawbia!

Lawana Nani 39:6

¡Upla sut ba dista kum bal lui baku luisa! Diara ailal kuki ba, witin ra hilp apia sa, dukia nani ba ya bribia sapa nu âpu.

Aiseya 40:6

Bîla baikra kum aisisa: “Wins”, bara yang pana makabi walri: “¿Dîa dukiara yang bîli baikra tara winamna?” “Upla bani ba twi baku sa, ¡bara ai prana sut ba sin twi ra tangni prana ba baku sa!

Aiseya 40:7

Twi ba lâwisa, ai tangnika ba sin srawisa, Dawan wingka puhbra ba witin ai purak lui ba ra. Kasak pali upla ba twi baku sa.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Matiu 6:30

Bamna inma naiwa twi ra ba bara yauhka pauta ra angki ba, Gâd baku skahkisa kaka, ¿man nani ra kau kwala pain mai dingkbia apia, kasak lukras uplika nani sma ba?

1 Korint 7:31

naha tasba wina ai hilpka saki ba, baha hilpka ba aiska pali bri banhras baku kabia. Kan naha tasbaya yawan nanara kaiki na, mahka lui auya sa.

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

Jems 4:14

sakuna man nani kaikras sma yauhka ba dîa takbia sapa. ¿Bara upla rayaka ba, dîa sa ki? Mukus kum wiria man taki si, ba wina lap tiwi ba baku sa.

1 Pita 1:24

Kan Ulbanka ra wisa: “Upla sut ba twi baku sa, bara ai prana ba lika twi tangnika baku sa. Twi ba lâwisa bara tangni ba kauhisa;

1 Jan 2:17

Bara tasba na ai brinka saura nani sut wal mahka lui auya; sakuna ya Gâd kupia lâka kat dauki ba, ban kaia ra raya ban iwisa.