Jasua 4:12 - DAWAN BÎLA AISKA

¹² Bara aiklaklabra nani Ruben bara Gad kiamka nani ba bara Manasés kiamka bakriki tila ba sin awala baila wala ra luan aiklabaia dukia nani ba brih, Israel uplika wala nani ba tâura witin nani aimakan, baku daukaia Moses mita pat win kan ba baku.

Jasua 4:12 Iomraidhean Croise

Impakan Sturka 13:18

Bahamna Dawan bui witin nani ba upla iwras tasbaya ra waia yabalka bâk brih lui wan, Kabu Pauni tani ra auya ba yabalka ra. Bara Israel luhpia nani ba, war aiklabaia daknika tara kum ridi daukan ba baku ridi taki, Idsip wina taki wan.

Kulki Kaikanka 1:24

Gad kiamka luhpia nani ba kulkan 45,650.

Kulki Kaikanka 32:17

Baha ningkara yang nani Israel luhpia nani tâura aimaki, war aiklabaia dukiara wamna, baha tasbaya ra dimbia ba kat. Wan watla uplika nani ba lika tawan ra kabia, naha tasbaya lamara nani ba mita sin diara munbia apia.

Kli Smalkanka 3:18

“Sakuna baha piua ra, yang bui man nani ra lâ naku mai smalki kapri: ‘Dawan Gâdkam naha tasbaya nani sut man dukiam briaia maikan sa. Israel luhpia nani, man nani tilam wina pat kupia karna takan, war aiklabaia sip nani ba, man nani kainamra blîkka wabia aiklabaia dukia nani bri, Jordan awala baila wala ra luaia.

Kli Smalkanka 33:21

Gad lika tasba kau pain ba briaia aitani kan ba brin lâ daukaia dukiara. Upla kainara dimi wan, Dawan mita taibi munan ba baku daukan, kasak lâka ni Israel mawanra ai warkka daukan.”

Jasua 1:14

Bamna man nani mairin nani, tuktan nani, daiwan nani sut sin Jordan awala, naha tani ra Moses wina maikan ba tasbaya ra swis. Sakuna waitna nani sut, war aiklabaia sip takan ba, war aiklabaia dukia nani ba alki brih, muihkam nani tâura taki was, witin nani ba tâi baikbia,

Jasua 4:11

upla nani ba sut baila wala ra lui wan, bara prîs nani ba Dawan lâka auhbaia watla ba brih luan, bara upla nani sut tâura witin nani aimakan.

Jasua 4:13

Waitna nani 40,000 war aiklabaia ridi, Dawan mawanra taki wapan, Jeriko twiya tasbaya nani ba tani ra.