Jasua 3:3 - DAWAN BÎLA AISKA

³ bara witin sin Israel luhpia nani ba pat maisa pakan kan: “Ani piua prîs nani Libait nani ba Dawan lâka auhbaia watla twilki taki wabia man nani nan kaikma ba ra, anira sma ba wina bal taki, witin nani nina blîks.

Jasua 3:3 Iomraidhean Croise

2 Samuil 6:13

Bara Dawan lâka auhbaia watla ba twilki ai mina taibanka matlalkahbi wapan ba ra, Debit bîp wainhka kum bara sîp batanira kum sin sakripais daukan.

2 Samuil 6:3

Il purara Abinadab watla ra lâ auhbaia watla ba bâra kan; ba wina saki, karita raya kum purara mangki, Abinadab luhpia Uzá, Ahió wal karita ba bri wapi kan, Ahió lika tâura wapi kan.

1 King Nani 8:3

Israel almukka nani sut aidrubi balan bara prîs nani sin, bara lâ auhbaia watla ba brih wan,

Jirimaya 33:18

Libai kiamka tila wina sin piua bani prîs nani bâra kabia, witin nani yu bani wîna aiska angki sakripais dauki aiki kabia, plun nani sakripaiska sin dauki aikbia pain ai kulki, bara sakripais wala nani sin daukbia.”

Kulki Kaikanka 10:33

Witin nani baku Dawan ilka ba wina mahka yabal ra impakan yu yumhpa. Bara Dawan lâka auhban watla ba witin nani ai tâura bri impakan, anira takaskaia pliki banhwi kan ba kat.

Kulki Kaikanka 4:15

Eran ai luhpia nani aikuki, holi pliska ra naha dukia nani sut ba pura prakbia. Bara utla ba mahka saki brih impakaia bubia ba ra, Quehat kiamka nani ba balbia baha twilki brih waia, sakuna diara holi ba kangbia apia, pruaia apia dukiara.

Matiu 16:24

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Matiu 8:19

Bara Lâ Smasmalkra kum Jisas lamara bal, naku win: —Smasmalkra, anira wama ba, ninam blikaia brinki sa.

Kli Smalkanka 31:25

Libait nani Dawan lâka nani auhbaika twilki waia adarka bri kan nani ba ra win:

Kli Smalkanka 31:9

Moses naha lâka ulbi mangkan, bara Libait nani, prîs nani kan ba ra yaban, witin nani ai warkka kan Dawan lâka nani auhbaika ba twilki waia. Bara Israel almukka sut ra sin,

Jasua 3:4

Bara baku man nani sin anik waia yabalka ba kaikma, kan nanara kat man nani kumi sin kau naha yabalka nâk luras kapram, bamna kakaira apia sma. Sakuna man nani lâ nani auhbaia watla twilki ba lamara lika wapara, kilumita kum prais laih wina ninara wapi bas.”

Jasua 3:6

Witin prîs nani ra sin win: Dawan lâka watla ba, man nani twilki upla nani tâura awala ba lui was.” Bara prîs nani ba Dawan lâka auhbi watla ba twilki, upla nani tâura lui wan.

Jasua 3:8

Man adarkam nani yabi wiaia sma ba, prîs nani ra adar yabi wis, Dawan lâka watla ba witin nani twilki brih wabia Jordan awala un kat, baha wina awala kat dimi wih takaski bâra bûi kabia.”

Jasua 4:10

Prîs nani Dawan lâka auhbaia watla ba twilki Jordan awala lila kat wih bûi kan ba, Dawan mita sin Jasua ra win, Israel luhpia nani ra win diara nani dauki kan ba. Baha sut ba Moses mita sin pat Jasua ra win baku daukaia. Upla nani ba isti awala ba lui wan,

Jasua 6:6

Bara Jasua bui prîs nani ba paiwi sturka ba win: “Man nani bui Dawan lâka auhbaia watla ba brih was, bara man nani wina 7 ba, Dawan lâka auhbaia watla ba twilki tâura wapi bas, bara kumi bani sin mihtam ra sîp aringka ni daukan trumpitka ba bri bas.

Param Marikanka 14:4

Naha nani sika mairin nani wal tâski taki banhras kan ba, bamna witin nani sunu ban sa. Witin nani na Sîp Luhpia ba nina blikisa ani anira wabia ba; witin nani na upla nani tila wina swaki sakan sa, bara naha nani sika pas upla nani Gâd dukia bara Sîp Luhpia ba dukia sin.

1 Samuil 6:15

Libait nani ba pat lâ auhbaia watla ba sakan kan, diara wala nani ba sin, gul ni daukan dukia nani ba sin, bara walpa tara ba purara suni swin kan; bara baha yua Bet-semes uplika nani ba daiwan wîna aiska angki sakripais ba daukan, bara sakripais wala nani sin Dawan ra dauki yan.