Jasua 3:1 - DAWAN BÎLA AISKA

¹ Baha yua yapra wala titanka, titan pali, Jasua pat buan bara Israel luhpia nani sut aikuki, Sitim wina taki Jordan awala ra wan; sakuna bahara ai kiampka mâkan kau luras ba ra.

Jasua 3:1 Iomraidhean Croise

Blasi Sturka 21:14

Bara Ebraham baha yua wala titan pali ra buan, bamna plun bara lî sin brin sîp taya batilka ra, bara Agar ra yaban ai pahpaya ra sunan, bara tukta Ismael ba sin witin mihta ra yaban lakula dauki, bara witin nani taki wan, Beerseba upla iwras tasbaya ra. Anira auya ba ai tânka briras aimawahki tauki kan.

Blasi Sturka 22:3

Bara Ebraham titan pali buan, mahka ai birikuka ba satil mangkan. Sakripais daukaia pâta nani ba baikan, bara Gâd mita witin ra marikaia win yaba tasbaya kaikaia taki wan. Ai luhpia Aisak ba brin bara ai albika nani wina sin wâl aikuki brih wan.

Lawana Nani 119:60

Yang aihni munri, takaskras kira, man lâmka bîla nani ba bri daukaia.

Jirimaya 25:3

“Josías Amón luhpia waitna ba Juda ra 13 mani king aimaki kan, bara baha piua wina nanara kat, wibia kaka, pat 23 mani Dawan bui yang ra aisin ba, baha yang bui man nani ra kli kli aisari; sakuna man nani lika yang ra walras.

Jirimaya 26:5

prapit nani witin nani kupia krauki smalki ba, kum blikuna kli wala blikisna ba, baha nani bîla witin nani wali daukras ba,

Jirimaya 7:13

Bara ban kra yang bui man nani ra kli kli pat kupiam krauki daukankam ba dukiara, sakuna man nani bîli wali daukaia apia wiram, uni kahbaia pan sakuna man nani baha sin daukras. Yang Dawan, baha kasak aisisna.

Miqueas 6:5

Nanara, upliki nani, naha na âmya ra bri bas: Moab kingka Balac, man nani ra daukaia luki kan ba, bara Beor luhpia Balaam sin pana aisin ba. Âmya ra sin luki bas, Sitim wina Guilgal kat impaki kapram yabalka ra diara nani takan ba tilara yang bui man nani dukiamra daukri ba kupiam krauki bas.”

Kulki Kaikanka 25:1

Israel luhpia nani Sitim ra ai watla mâkan ba piua ra, waitna nani ba Moab mairka nani wal saura dauki banhwan.

Mark 1:35

Titan, yu baiwras, kau tihmia kan, Jisas mahka buan bara tawan wina taki yakan ai pura sunaia wan plis kum yakan bâra kan ba ra.

Jasua 2:1

Sitim wina Jasua bui waitna wâl saki Jeriko ra blikan, tawanka tânka ba pliki kaikaia. Baha waitnika nani ra witin naku win: “Man nani Jeriko tawanka tara ba ra was bara witin nani ba tânka pliki laki kaiki bal wan wima.’’ Witin nani wan, bara tihmia kum tawanka ba ra luaia dukiara rug mairin kum nina Rahab wi ba watla ra takaskan.

Jasua 6:12

Yu wala titan pali, Jasua pat buan bara prîs nani ba sin bara witin nani Dawan lâka auhbaia watla ba saki brin.

Jasua 6:15

Bara yua 7 ba, lalma kahbi kan, witin nani pat buan bara tawan kutbanka ba kir pat wapi tawan, yu wala nani wapi tawi kan ba baku, sakuna baha yua lika 7 taim wapi tawan.

Jasua 7:16

Yapra wala titan pali Jasua pat buan, bara upla nani ra win kiamka kumi bani ai daknika kat ai mawanra balbia. Witin nani aidrubi balan ba ra, Dawan Juda kiamka ba kat aisin.

Jasua 8:10

Yu wala titan pali Jasua buan, ai uplika nani ba sut kulki kaikan. Bara witin bal tâura tâ aimaki, Israel almukka nani ba sin ai ninara brih taki wan Ai mapara aiklabaia.

Wihta Nani 20:19

Baha walan ba ra, witin nani yapra wala ba titan pali buan ba ra, Guibeá tawanka lamara wih ai kiampka ba bapan.

1 Samuil 17:20

Yapra wala titan pali, Debit buan bara upla wala mihta ra sîp nani ba swin, plun nani ai aisa wina yan ba brih mahka taki wapan. Kiamp ra wan bara kaikan aiklaklabra nani ba pat ridi taki ai pura wini kan aiklabaia waia.