Daniel 9:3 - DAWAN BÎLA AISKA

³ Bamna puri sunra bara makabanki ba sut, Dawan wan Gâdka ra aisari, plun piras, kwala almuk saura dimi, yamhpus ra sin iwi.

Daniel 9:3 Iomraidhean Croise

2 Samuil 12:16

Bara Debit Gâd ra ai pura sunan, baha tukta dukiara, kaiki plun piras kakna an tihmia tasba kat prawi kan.

Esdras 10:6

Bara Esdras, Gâd tempelka ba wina bûi taki wan bara Eliasib luhpia waitna, Johanán yapaika ra wan, bahara witin plun piras bara lî sin diras ban lalawata, kan ai kupia kriwanka ba kau ban kan baha nani alba wina balan nani saura daukan ba ra luki.

Esdras 8:21

Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Esdras 9:5

Bara baha piua kat, yang kupi wirhika ba wina buri, bara prâika kalkri ba ban dimi, mahka Dawan Gâdki ra puri sunri,

Nihimaya 9:1

Baha sim katka ra lapta yua 24, Israel luhpia nani plun piras asla taki banhwan, ai kupia kriwan sari tukinka kwalka ba dimi, yamhpus ai purara yakaban;

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Job 42:6

Baha mita dîa sna ba wina kupi lakisna, tasba yuya bara yamhpus ra iwisna ba wina.

Lawana Nani 35:13

witin nani siknis kan, yang ai sarka briri, sari prâka dimi bara plun piras kapri, bara yang kupi ra puri sunisna ba swiras kapri.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

Daniel 6:10

Daniel walan baha lâka ba ulbi daukan, witin ai watla ra wih ai yapaika windarka ba sakan, baha windarka ba Jerusalem tani ra kan, bamna witin ai lula kriki Gâd ra ai pura suni mayuni kan, naha na witin dauki kan yu bani aima yumhpa, baku witin dauki kata piua bani.

Daniel 9:2

Pas mani witin king aimaki kan ba piua ra, yang Daniel, prapit Jirimaya wauhkataya aisi kaiki tânka pliki kapri, baha 70 mani Jerusalem sauhki tikanka piua tnata alki luan kabia ba, Dawan bui prapit ra win kan ba baku.

Daniel 9:20

“Yang ban puri suni kapri bara saurki nani dukiara aisi katna, upliki Israel luhpia nani dukiara sin, Dawan Gâdki ilka holikira ba dukiara makabi katna.

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Joel 1:13

Prîs nani, Dawan altarka ra dukia dadaukra nani, man nani kwala siksa dims, bara sari tara brih, altar lamara wih ini banhs. Nanara man nani Dawankam tempelka ra piaia bara diaia prisantka nani brih waia âpu takan bamna.

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Jona 3:5

Tawan ra iwi uplika nani sut, tara nani sirpi nani Gâd ra kasak lukan; witin nani lâ daukan plun piaia apia, ai kupia lakan sari tara alkan tânka marikaia upla sut kwala siksa diman.

Matiu 17:21

[Sakuna nahmuna piritka na pura sunra bara Gâd ra luki plun wahwi wal lika kangbi sakaia sip sa.]

Luk 2:37

bara nanara piarka ba mani 84 bri kata. Witin sin tempel wina uya takras, ban bahara Dawan dukia dauki kan, kakna bara tihmia Gâd ra luki plun piras kira ai pura suni.

Apastil Nani Sturka 10:30

Bara Cornelio bila: —Pat yu walhwal sa, sim naha awarka baku kan, yang waitla na ra tutni 3 aklak pura sunra dauki kapri, waitna kumi kwala ingnikira dimi yang ra latan takan.