Daniel 7:9 - DAWAN BÎLA AISKA

⁹ “Ban kaiki kapri, king iwaika nani bri si mangki swin ba kat, bara almuk kumi wih iwan. Ai prâka ba wahmuk pinhka baku kan, ai tâwa ba sîp taya tâski âpu ba baku kan, ai king iwaika bara wilwaika ba pauta klauhan ba baku kan,

Daniel 7:9 Iomraidhean Croise

1 King Nani 22:19

Bara Micaías kau aisin: —Baku aisaram ba mita, Dawan bîla na wals: Yang kaikri Dawan ba ai king iwaika ra iwi kan, bara kasbrika ra insal nani sut ba lika witin ai tnaya kir bûi banhwi kata, ai mihta aihkika tani bara ai mihta smihka tani ra sin.

2 Kronikas 18:18

Bara Micaías kau aisin: —Baku aisaram ba mita, man nani lika Dawan bîla na wals: Yang kaikri Dawan ba ai king iwaika ra iwi kan, bara kasbrika ra insal nani sut ba lika witin ai tnaya kir bûi banhwi kata, ai mihta aihkika tani bara ai mihta smihka tani ra sin.

Lawana Nani 45:8

Man prâmka ba sîka mâka kîa painkira, alus, sinimint kîa baman sa; arp binka, lilia dauki, kupiam lilia daukisa, king man wamtla pranakira mâkan ba bilara.

Lawana Nani 90:2

Il nani ba kau paskras kan wina, tasba na bara tasba aiska sin kau daukras kan ba ra, piua nani sut wan kanra aula ba ra, man ban wan Gâdka sma.

Lawana Nani 93:2

Baha piua wina, Dawan, man iwaikam ba ban bâra sa. Man patitara wina ban bâra sma.

Aiseya 6:1

King Ozías pruan ba manka ra, yang Dawan ba kaikri king iwaika kum ra iwi kan laih purara, pranakira pali; tempel aiska ba ai prana ni banhwan kan.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 49:38

Yang iwaiki ba Elam ra kabia, bara ai kingka nani wihta nani ba sut pruaia daukamna. Yang, Dawan, kasak aisisna.

Isikiel 1:26

Kasbrika pura sangnika tara baku ba purara kaikri diara kum bâra kan king iwaika kum sapair ni daukan baku kan. Baha iwaika baku paskan ba purara upla kum bâra kan, witin ba waitna.

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Daniel 7:22

Almuk ba balan ba ra, kasakka lâka kat Gâd Laih Purara iwi ba uplika nani lâka ba daukan, bamna piua ba aimakan kata Gâd uplika nani ba king tasbaya ba alki briaia.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Abakuk 1:12

Dawan, man ba tâ pali wina Dawanki ban sma. ¿Man ba yang nani Gâdki sunukira ban kaia ra raya sma apia? Yang nani kaini kakahbra Dawanka, man mita Caldea uplika nani ra karnika ba yaram kasakkam lâka tânka ba kat daukaia.

Matiu 17:2

Bahara Jisas wîna tara ba aihka takan witin nani mawan kat. Ai mawan ba ingni pali kan sim lapta baku, bara ai prâka ba pihni pali sim ingni baku.

Matiu 28:3

Witin ba ingni kan sin imyula baku, bara ai kwalka ba pihni ais klaswan baku kan.

Mark 9:3

Ai prâka lipni bara pihni pali takan; upla kum sin baku kwalka tuski baha sât pihni daukras kan.

Apastil Nani Sturka 2:30

Ban sakuna, Debit lika prapit kum kata. Bamna witin pain pali kaiki kan, Gâd swer taki kira witin ra pramis munan tânka ba, nahki ai kiamka ba wina kumi ai iwaika ra iwbia.

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

1 Timoti 6:16

Witin baman sika sip pruras ba; witin ba upla sip lamara waras ingnika ra iwisa. Upla kumi sin kau witin ba kaikras sa bara sip sin kaikbia apia. ¡Prana ba bara karnika ba sin ban kaia ra, witin dukia kabia! Baku kabia.

1 Jan 1:5

Naha smalkanka sika Jisas Kraist mita yang nani ra mairikan, bara pana man nani ra mai smalkisna ba: Gâd ba ingni bara witin ra tihmia tânka kumi sin âpu sa.

Param Marikanka 1:14

Ai tâwa nani ba pihni kan, sim sîp tâwa pihni ba baku, bara sno pinhka baku, bara ai nakra nani ba lika pauta lakni klauhi ba baku kan.

Param Marikanka 19:18

¡Bal, king nani wîna piaia, suldiar nani wihtka wîna piaia, waitna tahplu nani wîna, aras uli nani ba wîna piaia, upla sut wîna, pri nani bara alba nani, sirpi nani bara tara nani wîna sin!”

Param Marikanka 20:4

Bara yang lika king iwaika nani kaikri, baha nani purara iwi nani kan ba sin; witin nani ba lâ daukaia karnika brin kan. Bara yang kaikri baha nani Jisas witniska taki kan bara Gâd sturka yamni ba tâwan, lal dakban sulka nani ba sin. Witin nani lika daiwan saura nani lilka ra sin ai pura suni mayunras kan, baha markka sin ai lal purara bara ai mihta ra yan mangkras kata. Yang kaikri naha nani kli raya takan, bara Kraist wal mani 1,000 king aimakan.

Param Marikanka 4:2

Baha pali piua ra Spirit ba ai karnika munhtara ai brin, bara kasbrika purara king iwaika kum bâra kan kaikri, bara kingka iwaika ba ra upla kum sin iwi kata.