Daniel 7:4 - DAWAN BÎLA AISKA

⁴ Pas ba layan baku kan, sakuna ai tnawa nani bri kan yakal baku. Kau ban kaiki kapri ba ra, ai tnawa nani ba daikan, bara ban tasba wina yan buan; mina tani ba upla baku kan, bara kupia lukra ba upla baku kata.

Daniel 7:4 Iomraidhean Croise

2 Samuil 1:23

“Saúl bara Janatan wal latwankira pali kan, ai rayaka ra bara ai prurika ra sin sip dakwi takras kan. ¡Yakal wal sin kau isti plapi kan! ¡Layan wal sin kau karna kan!

Job 25:6

¡Upla ba lika kau pali, liwa umpira pali na!

Lawana Nani 9:20

Dawan, witin nani kupia ra sibrin dingks, ¡yarka witin nani tânka bribia, witin nani ba upla praprura ba!

Jirimaya 25:38

Ai watla wina takan layan kum baku, witin nani ai kuntrika sauhki tikan ba kat takaskan, Dawan kupia baiwanka ba buki klauhan bamna, war saura pali kum blikan.

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 48:40

Dawan aisisa: “Moab waihla yakal tara ai tnawa nani ilingki aula ba baku mapara aula.

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Inanka Nani 4:19

Waihla nani wan nina bliki ba, kanra isti sa yakal tara purara pâli tauki ba wal; wan nina blikisa il nani tilara, ¡bara wan alkaia wisi wan kainara takaski wan bîla kaikisa!

Isikiel 17:3

bara wis: ‘Dawan ba naku wisa: Yakal tara kum Líbano ra balan; ai tnawa nani ba tara bara yari pali kata, tnawa ba mapla sât sât bri kan. Tnawa tara ba, yalam tnawa kum ra kangban,

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:9

¿Bara ban damra wali kama ki, gâd baku, taibi mai muni nani ba mawanka ra sma ba ra? ¡Mai iki nani ba mihta ra man ba upla kum baman sma!

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Daniel 4:36

“Baha pali piua ra, sinski ba kli pain takan, kingki lâka ba kli briri, mayunra ba bara tara kaia lâka ba sin. Kupia krakraukra nani yang karniki mununhtara wark taki nani ba sut aidrubi balan, bara kli pali king lâka ba alkri upliki nani purara, bara nanara kainara kata ba wal kau karnika tara briri.

Daniel 7:12

Daiwan saura wala wâl ba wina lika karnika ba sakan kata, sakuna ikras ban swin raya kaia ai piua aimakbia ba kat.

Daniel 7:5

“Wâlka ba lika wingku baku kan, tnaya kumi ba kau purara bukan kata, tnaya mina nani yumhpa bri kan ai bîla ba walri wi kan ba: ‘¡Man bui wînam nani sut pis, dîa sip sma ba kat!’

Matiu 24:28

Wîna tara pruan anira kabia ba ra, yakal tara nani asla takbia.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;

Param Marikanka 13:2

Naha daiwra saura kaikri na limi baku kata, mina nani ba wingku tara mina nani baku, bara bîla ba lika layan bîla baku. Dragun ba mita witin ra ai karnika, ai kingka iwaika, bara wihta lâka tara alki kaia ba sin yan kan.