Daniel 7:1 - DAWAN BÎLA AISKA

¹ Belsasar ba Babilon ra pas mani king aimakan ba piua ra, Daniel yaprisauhkan ra diara aihka kum kaikan. Yapan wina ai kupia krawan ba ra, diara aihka nani ai yaprika ra kaikan ba ulban, naha sika ulban ba:

Daniel 7:1 Iomraidhean Croise

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 46:2

Baha tihmika yaprisauhkan ra diara aihka kaikan, Gâd lika Israel wal aisin, nina mâki winan, Jekob. Witin pana win: —Yang nâra sna.

Job 4:13

Tihmia ra upla nani purara yapan ba aula, bara yapra wirhika kum bal ai taibi wingki prakaia ai munan.

Aiseya 30:8

Bamna nanara, man bal naha mamrikisna na wauhtaya ra uls, param kaikram ba walpa tanhta kum ra uls witin nani ai mawanra kaiki kaia ulbanka baku, witnis ban bâra kaia dukiara, ban kaia ra.

Aiseya 8:1

Dawan bui ai win: “Ulbaia tatka tara kum bris, bara bahara uls ulbanka ba aisi kaikaia param kaia: ‘Maher-salal-hasbaz.’

Jirimaya 23:28

¡Prapit kum yaprisauhkan kaikan kaka witin param wiaia sa: ‘Yaprisauhkan kaikri’, sakuna prapitka ba yang aisari walan kaka baha witin kasakka lâka kat aisaia sa! Sakuna plawar ba taya ba wal bâra kaia apia sa. Yang aisisna bîla ba pauta klauhan baku sa, amar baku sa walpa tara ba yuya man krikisa. Yang, Dawan, kasak aisisna.

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Jirimaya 36:32

Baku Jirimaya ulbaia wauhtaya wala brin baha Baruc ra yan, wauhtaya âiulbra ba ra, bara Jirimaya aisi kan ba witin ulbi kan, witin nani pas ulban kan Joaquim mita angkan ba baku kli ulban. Sakuna tânka wala nani ba sin kau pura prakan naha ulbanka ra.

Jirimaya 36:4

Jirimaya mita, Neria luhpia waitna, Baruc, paiwan balan, bara Dawan bui witin ra aisin ba witin kli aisi kan, bara Baruc lika ulbi kan.

Isikiel 1:1

Yang, prîs Isikiel, Buzí luhpia waitna, Quebar awala un ra yu aiska kum bâra katna Babilon ra, upla nani alba brih wan nani ba tilara. Baha piua ra purara kasbrika ba kwawan, bara Gâd kaikri lilka nani bâk. Piua ba baha manka ra pat kati walhwal aimakan, yua matsip ra diman kan, bara baha kat pat 30 mani alkan; baha piua tilara king Joaquín alba lâka ra brih wan ba mani matsip alkan.

Daniel 1:17

Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban.

Daniel 2:1

King Nabucodonosor mani wâl king aimaki kan ba piua ra, witin yaprisauhkan kaikan, bara baha kaikan kata ba wina witin pali ai kupia wal uya pali aisi sip yapras kan.

Daniel 2:26

Bara king mita Daniel nina Beltsasar mâki ba ra win: —¿Man sip sma ki yaprikisauhkan kaikri ba bara tânka ba sin ai wiaia?

Daniel 4:13

‘Diara aihka kaiki kapri ba piua ra, tisku kan tawan ra aihwawakra insalka kumi kasbrika pura ba wina bal iwan,

Daniel 4:5

sakuna tihmia kumi krikriki ra yapi katna ba ra, yaprisauhkan kum aihka kaikri, sibrin ai daukan bara luki kaikri, diara aihka kaikri ba mita.

Daniel 5:1

Babilon kingka Belsasar, witin pata tara kum dauki baha kuntri wihtka tara nani 1,000 paiwan. Plun ba pi kan piua ra, king bara paiwan uplika nani ba wal wain uya pali dih banhwan kan.

Daniel 5:22

Bara king Belsasar, man ba baha kingka luhpia sma, bamna dîa dîa takan sut ba man tânka brisma, sakuna man lika Dawan ra bawras sma.

Daniel 5:30

Baha sim tihmika ra, Caldea uplika nani kingka bui Belsasar ba ikan

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Daniel 7:15

“Bara yang, Daniel sibrin lâka ba bui puri lui kata, diara nani kaikri ba dukiara kupi ra turban ai muni kata.

Daniel 7:7

“Daiwan saura tara walhwalka kaikri ba lika saura sibrinkira pali kata, karnakira pali kata. Ai napa nani ba ayan baku bri kata, sut ra pi âpu sin dauki kan, kau tâka ba ai mina ni taibi kan. Baha daiwra ba ai lal ra aringka matawalsip bri kan.

Daniel 8:1

“Belsasar mani yumhpa king aimaki kan piua ra, yang Daniel diara aihka wala kaikri pat kainara kaikatna ba ningkara.

Joel 2:28

“Naha diara nani ba sut ba bal taki lubia ba ningkara, spiritki ba tasba uplika nani sut purara iwaia blikamna; luhpiam waitna nani bara luhpiam mairin nani sin Gâd dahra aisi kabia, almuk nani yaprisauhkan kaikbia, wahma bara tiara nani sin, naika diara aihka kaikbia.

Emus 3:7

Dawan ba diara kumi sin daukras sa, witin ai prapitka ra param sakras sa kaka.

Abakuk 2:2

Bara Dawan pana naha tânka nani ai win: “Yang dîa mamrikamna ba walpa tanhta nani ra ulbi bris, ulbanka ba tara param kabia bara upla plapi auya ba sin ban aisi kaikbia.

Kulki Kaikanka 12:6

Bara Dawan bui witin nani ra naku win: “Man nani ra yang aisisna na wals: Man nani tilamra prapit bâra ba piua ra, yang lika witin ra param taki aisisna, diara aihka kaiki bâk.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

2 Korint 12:1

Diara kumi sin hilp sakras upla kum witin yakan ai dukiara diara aisaia tânka ba wina, bamna kanra pain kabia diara aihka nani bara param kaikri dukia nani Dawan ai marikan nani ba aisaia.

Param Marikanka 1:19

Bamna, dîa kaikram ba sut uls, dîa dîa nanara bâra ba bara naika ra takaia ba sin.

Param Marikanka 10:4

Alwani 7 ba aisi kan ningkara, yang mahka ulbaia kapri; sakuna kasbrika purara ba wina bîla baikra kum ai aisan walri: “Alwani 7 diara nani aisan ba, pain yukuki bris; baha nani ba ulpara.”