1 Korint 5:2 - DAWAN BÎLA AISKA

² ¡Baku kan, man nani lika yamni daukram luki banhwisma! ¡Kau ni sari pali banhwi kaia kapram! Ani waitna nahmuna dukia daukan ba, man nani tilam wina kangbi sakan kaia sa.

1 Korint 5:2 Iomraidhean Croise

2 Korint 12:21

Sibri sna kli balamna ba ra, Gâdki mita man nani dukiamra ai munka swiri takamna, bara ai munka upla manis dukiara inamna pat piua wihka saura daukisa sakuna tâski lâka ba sip swiras ba dukiara, waitna mairin wal marit âpu kira briaia lâka bara lâ saura lan takan ba dauki ban ba dukiara sin.

Isikiel 9:6

almuk nani, wahma nani, tiara nani, mairin kau waitna kaikras nani, tuktan nani, mairin nani ba iks, umpira kaikpara. Sakuna ani uplika sain bri kabia ba lika kangpara.” Bara witin nani tâ krikan tempel lamara almuk nani bâra kan wal.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

2 King Nani 22:19

bara man kupiam ba sin swapnikira pali takan, bara Dawan lamara sin bawram naha bîla ba tawan uplika nani mapara aisisa bara naha tasbaya ra iwi uplika aiska ba mapara sin, witin nani sut ba âpu pali daukbia saurkira nani ba, bara man prâmka ba kalkram, ba purkara sin yang maiwanra inram ba sin yang walri. Yang, Dawan, man ra aisisna.

Kulki Kaikanka 25:6

Sakuna Israel waitnika kum Madián mairka kum ai watla ra brih wan, Moses kaiki kan ba ra, Israel luhpia nani sut sin kaiki kan witin nani Dawan wal aisaia tintka watla dimaika ra aidrubi, ini banhwi kan ba piua ra.

1 Korint 4:18

Man nani wina tila ba tara takan ai dahra walisa bara yang na man nani bal mai kaikamna apia luki;

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.