Lucas 7:41 - Masbatenyo

⁴¹ “May duha na tawo na nangutang sa parapautang. An usad nakautang sin 500 pisos kag an usad 50.

Lucas 7:41 Iomraidhean Croise

Mateo 18:28

“Pagluwas niya didto may nakasugat siya na iya kapwa suruguon na nakautang man sa iya sin syin pisos. Hinuyutan ini kag tinuok myintras ginasabihan, ‘Bayadi an imo utang sa akon.’

Mateo 6:12

Patawada kami san amon mga sala pareho san pagpatawad namon san mga nagkasala sa amon.

Marcos 6:37

Pero nagsabat si Jesus, “Hatagi na lang niyo sindaʼn makaon.” Nagsabi naman an mga disipulos sa iya, “Nagakinahanglan ina sin sobra pa sa walo ka bulan na sweldo san usad na trabahador. Nano, magastos pa ba kami sin sugad sana sa tinapay para ipakaon sa inda?”

Lucas 11:4

Patawada kami san amon mga sala kay ginapatawad namon an tanan na mga nakasala sa amon. Ayaw man kami pagtuguti na masugtan.’,”

Lucas 12:48

Ugaling dyutay lang an kastigo sadtoʼn dili maaram kag nagakasala san dapat ikakakastigo sa iya. An ginhatagan sin damo hahanapan man sin damo kag idtoʼn ginsarigan sin dako pagalauman man sin sobra.”

Lucas 13:4

Nano man sa paghuna niyo manungod sadtoʼn disiotso ka tawo na naumpagan san tore sa Siloam kag nagkamaratay? Nano, mas makasasala sinda ki san iba na mga tawo na nagairistar sa Jerusalem?

Lucas 7:40

Ginpahalapit siya ni Jesus kag sinabihan, “Simon, may isasabi ako sa imo.” “Nano ina, Maestro?” an hunga niya.

Lucas 7:47

Kaya tandai an ginasabi ko sa imo, ginpatawad na an damo niya na mga sala kay grabe gayod an iya kamuot sa akon. Sugad man an ginpatawad sin dyutay, dyutay man an ginapakita na pagkamuot.”

Roma 3:23

nagkasala sinda tanan kag nagakulang sa gloryoso na katanusan san Dios.

Roma 5:20

Ginhatag an Kasuguan agod magdugang an kasal-an, pero pagdugang san sala lalo naman na nagdugang an kaluoy san Dios.