Lucas 7:17 - Masbatenyo

¹⁷ Ini naman na barita manungod sa iya nakalukop sa bilog na Judea kag sa patalibod na mga lugar.

Lucas 7:17 Iomraidhean Croise

Mateo 2:1

San gin-anak si Jesus sa lungsod san Betlehem sa probinsya san Judea si Herodes amo an hadi. Sani na panahon may nag-arabot na mga madunong na tawo sa Jerusalem hali sa nasyon sa sirangan.

Mateo 4:24

Tapos an barita manungod sa iya nakalukop sa bilog na Siria. Kaya gindara sa iya an tanan na mga masakiton na may manlain-lain na ginabatyag kag kasakitan. Amo man an mga nagkasurudlan san maraot na espirito, mga buntugon kag mga paralitiko kag ginpaayo naman niya sinda tanan.

Mateo 9:26

Nakalukop naman ini na pangyayari sa tanan na mga lungsod patalibod sana na lugar.

Mateo 9:31

Pero naglakat sinda na ginabarita sa tanan na lugar an manungod kan Jesus.

Marcos 1:28

Kaya nadali lang an pakalukop san barita manungod kan Jesus sa tanan na lugar san Galilea.

Marcos 6:14

Niyan nabaritaan san hadi na si Herodes an manunungod kan Jesus tungod na siya kilala na. May nagsabi na, “Siya si Juan na Parabunyag na nabuhay gihapon kaya dahilan sani ada na sa iya ini na mga kagamhanan.”

Lucas 4:14

Si Jesus na may gahom san Espirito Santo nagbalik sa Galilea. Nakalukop sa patalibod na mga lungsod an barita manungod sa iya,

Lucas 7:14

Tapos, gindapat niya an kamot sa taol san patay kag nag-urudong an nagabarayaw. May ginsabi siya, “Batan-on, bumangon ka!”