Juan 7:7 - Masbatenyo

⁷ Waraʼn dahilan maurit sa iyo an mga tagakinab-an na nagakontra sa Dios pero nauurit sinda sa akon kay ginahayag ko an karautan na ginahimo ninda.

Juan 7:7 Iomraidhean Croise

Lucas 6:26

Kamakaluluoy man niyo kun kamo ginadayaw san tanan na katawuhan, kay pareho man sana an pagtratar san inda mga kalulululuhan sa mga buwaon na mga propeta.

Juan 17:14

Gintukdo ko sa inda an ginsabi mo sa akon kag ginasikway sinda san mga tagakinab-an kay dili sinda kaurusad sani pareho sa akon na dili man kausad sa inda.

Juan 3:19

An ginbasihan san paghusgar amo ini: nagpakadi sa kinab-an an ilaw pero mas naiilaan san mga tawo an kadulman ki sa kapaw-an kay mga maraot an ginaparahimo ninda.

Roma 8:7

Matuod ini kay supak sa Dios an nagapasakop sa lawasnon na kaila tungod na habo ini magpasakop sa iya kag dili man gayod makapasakop sa iya.

Galacia 4:16

Nano, nagin kaaway na niyo ako kay ginasabihan ko kamo san kamatuudan?

Santiao 4:4

Ka mga traydor niyo! Dili ba niyo aram na kun mailaon kamo san mga bagay sa kinab-an kaaway na niyo an Dios? Kaya, ginakontra mo siya kun gusto mo na kaamigo an mga bagay sa kinab-an.

1 Juan 4:5

Ini na mga buwaon na propeta kinab-anon kag kinab-anon man an ginasurmaton ninda kaya an mga tawo sa kinab-an nagapamati sa inda.