Juan 21:5 - Masbatenyo

⁵ Ginhunga sinda ni Jesus, “Mga amigo, nano, may nakuha kamo na isda?” Nagsabat sinda, “Wara gayod.”

Juan 21:5 Iomraidhean Croise

Mateo 14:15

San tunod na an adlaw nagharalapit sa iya an mga disipulos kag nagsabi, “Usad ini na mamingaw na lugar kag tunod na an adlaw. Pahalia na an mga tawo agod makakadto sa kabaryuhan para makabakal san inda makaon.”

Marcos 8:7

Igwa man sinda sin pira ka bilog na isda. Pakapasalamati man sani ni Jesus ginsugo niya an mga disipulos na ipanghatag sa mga tawo.

Filipos 4:19

An akon naman Dios amo an mapuno san tanan niyo na kinahanglan paagi san mabugana niya na kayamanan na ada kan Cristo Jesus.

Hebreo 13:5

Dili kamo magpaslo sa kwarta kundi makontento na kamo sa iyo kamutangan kay nagtuga an Dios, “Dili ko gayod kamo babayaan o papabay-an.”

1 Juan 2:13

Sa iyo na mga ama nagasurat ako kay aram na niyo siya na dati na sa katuna-tunai pa. Nagasurat ako sa iyo na mga sultiro kay nadaog niyo an Dyablo. Mga anak ko, nagasurat ako sa iyo kay aram niyo an Ama.

1 Juan 2:18

Mga anak ko sa pagtuod, halapit na an katapusan san kinab-an! Aram naton ini kay, sugad san nabatian niyo, magaabot an kaaway ni Cristo. Niyan, damo na na kaaway ni Cristo an nag-abot na. Kaya nakasiguro na kita na apiki na an katapusan san kinab-an.