Juan 16:4 - Masbatenyo

⁴ Pero ginsabi ko ini sa iyo agod pag-abot sana na oras kun mangyari ini madumduman niyo na ako nagpadaan sani sa iyo. Wara ko anay ini pag-isabi sa iyo kasadto kay kaupod pa ako niyo.

Juan 16:4 Iomraidhean Croise

Mateo 10:7

Sa iyo paglakat ipahayag na haros magtuna na an pagahadi san Dios.

Mateo 24:25

Pamatii gayod kay ginpadaanan ta na kamo antes pa ini mangyari.

Mateo 9:15

Ginsabat sinda ni Jesus paagi sa istorya, “Nano, mamumundo daw an mga abay sa kasal myintras kaupod pa ninda an karaslon na lalaki? Syimpre dili, pero maabot an adlaw na pagakuhaon siya sa inda kag amo pa lang sinda makaayuno dahilan san kamunduan.”

Marcos 13:23

Ginpadaanan ta na kamo sani tanan antes pa ini mangyari kaya dapat kamo maglikay.”

Marcos 2:19

Ginsabat naman sinda ni Jesus paagi sa istorya, “Nano, pwede kaayuno an mga abay sa kasal myintras kaupod pa ninda an kinasal? Dili gayod sinda makaayuno myintras an kinasal kaupod pa ninda.

Lucas 1:2

An inda gintipon amo an ginpaaram na sa amon sadtoʼn sa katuna-tunai pa mga testigos kag mga paratukdo san Maayo Na Barita.

Juan 13:19

Ginasabi ko na sa iyo antes ini mangyari, kay kun mangyari ini amo pa lang kamo magatuod na ako amo idtoʼn ginsabi ko kasadto na ako.

Juan 14:29

Ginsabi ko na ini sa iyo antes mangyari agod kun mangyari magtuod kamo.

Mga Himo 9:16

kag ipapakita ko sa iya kun sing-ano dapat siya magtios alang-alang sa akon.”

2 Tesalonica 2:5

Nadumduman ba niyo na ginsabi ko ini tanan san dida pa ako sa iyo?

2 Pedro 1:14

kay aram ko na dili madugay pagabayaan ko iniʼn kinab-anon na pagkabuhay. Amo ini an ginsabi sa akon san aton Ginoo na si Jesu-Cristo.