رُوت 4:12 - Muslim Sindhi Bible

¹² شال تنهنجو اولاد، جيڪو خداوند تو کي انهيءَ زال مان ڏئي، سو پڻ فارص جي گھر جهڙو پنهنجو گھر ٺاهي، هائو، اهو فارص جيڪو يهوداہ کي تمر مان ڄائو هو.“

Sindhi Bible

¹² ڀلي تہ تنهنجو گهر فارص جي گهر جهڙو ٿئي، جو تمر يهوداہ کي ڄڻي ڏنو، ۽ انهيءَ جهڙو نسل ٿئي جو خداوند توکي هن جوان زال مان ڏئي.

رُوت 4:12 Iomraidhean Croise

پيدائش 38:29

پر هن پنهنجو هٿ وري اندر ڇڪي ورتو، ايتري ۾ سندس ڀاءُ نڪري آيو. تنهن تي دائيءَ چيو تہ ”تون ڪٿان ڦٽي نڪتين!“ انهيءَ ڪري سندس نالو فارص رکيو ويو.

پيدائش 46:12

سندس چوٿون پٽ يهوداہ هو جنهن جا پٽ هي هئا: شيلاہ، فارص ۽ زارح. پر يهوداہ جا ٻہ ٻيا پٽ عير ۽ اونان اڳ ۾ ئي ڪنعان جي ملڪ ۾ مري ويا هئا. فارص جا پٽ حصرون ۽ حمول هئا.

1.تواريخ 2:4

يهوداہ جا ٻيا ٻہ پٽ فارص ۽ زارح هئا، جيڪي کيس پنهنجي ننهن تمر مان ڄاوا هئا.

ملاڪيءَ 2:15

ڇا خدا اوهان ٻنهي کي انهيءَ واعدي موجب گڏجي هڪ بدن ۽ هڪ روح ٿيڻ لاءِ نہ چيو آهي؟ خدا اهو انهيءَ لاءِ ڪيو، تہ جيئن اوهان مان اهڙا ٻار پيدا ٿين جيڪي خدا جا هجن. سو اوهان کي انهيءَ واعدي جي سنڀال ڪرڻي آهي.

متي رسول جي معرفت پاڪ انجيل 1:3

يهوداہ کي فارص ۽ زارح نالي ٻہ پٽ پيدا ٿيا، جن جي ماءُ تمر هئي. فارص مان حصرون پيدا ٿيو ۽ حصرون مان رام پيدا ٿيو.

رُوت 4:18

فارص جون پيڙهيون هي آهن: فارص مان حصرون،

1.سموئيل 2:20

پوءِ عيلي القانہ ۽ سندس زال کي دعا ڪندي چوندو هو تہ ”شل خداوند تو کي هن عورت مان انهيءَ ٻار جي عيوض ٻيا ٻار عطا ڪري، جيڪو تو خداوند کي وقف ڪري ڏنو آهي.“ انهيءَ کان پوءِ هو ٻئي موٽي گھر هليا ويندا هئا.