نحمياہ 3:8 - Muslim Sindhi Bible

⁸ ان سان لاڳيتو حصو عزيئيل ولد حرهياہ جيڪو سونارو هو، تنهن مرمت ڪيو. ان سان لاڳيتو حصو حنانياہ جيڪو عطرفروش هو، تنهن ويڪري ڀت تائين مرمت ڪئي.

Sindhi Bible

⁸ انهيءَ جي پاسي کان مرمت جو ڪم عزيئيل بن حرهياہ ڪيو، جي سونارا هئا. ۽ انهيءَ جي پاسي کان حننياہ مرمت جو ڪم ڪيو، جو عطرين مان هڪڙو هو، ۽ انهن يروشلم کي ڪشادي ڀت تائين مضبوط ڪيو.

نحمياہ 3:8 Iomraidhean Croise

پيدائش 50:2

پوءِ يوسف ملازم حڪيمن کي حڪم ڏنو تہ ”منهنجي پيءُ کي سرهاڻيون لايو.“ سو حڪيمن يعقوب کي سرهاڻيون لاتيون.

نحمياہ 12:38

شڪرگذاري ڪندڙن جي ٻي ٽولي کاٻي پاسي واري ڀت تان رواني ٿي. آءٌ بہ اڌ ماڻهن سميت انهن جي پٺيان هلڻ لڳس. اسين ڀتين جي مٿان کورن واري ٺُلهہ کان ٿيندا ويڪري ڀت تائين هليا وياسين،

خروج 30:25

انهن کي چڱيءَ طرح گڏي، مسح ڪرڻ جو خاص تيل ٺاهيو وڃي، جيڪو عمدو ۽ خوشبودار هجي، جهڙو ڪاريگر عطار ٺاهيندا آهن. اهو مسح ڪرڻ جو مخصوص تيل ٿيندو.

واعظ 10:1

جهڙيءَ طرح چند مئل مکيون عطر جي پوريءَ بوتل کي بدبودار ڪريو ڇڏين، تهڙيءَ طرح ٿورڙي ئي بي‌عقلي سڄي ڏاهپ ۽ عزت کي خاڪ ۾ ملايو ڇڏي.

يسعياہ 46:6

ڪي ماڻهو پنهنجي ٿيلهين مان سون ڪڍي، ۽ چاندي تارازيءَ ۾ توري آڻي سوناري کي ٿا ڏين. پوءِ ڇا ٿو ٿئي جو اهو سونارو سندن لاءِ انهيءَ مان هڪڙو معبود جوڙي تيار ٿو ڪري، جنهن جي آڏو هو سجدو ڪري کيس پوڄين ٿا.