نحمياہ 3:7 - Muslim Sindhi Bible

⁷ ان سان لاڳيتو حصو جِبعون ۽ مصفاہ جي ماڻهن جي مدد سان ملطياہ جِبعونيءَ ۽ يدون ميرونوتيءَ مرمت ڪيو. مصفاہ ۾ اولهہ واري فرات نديءَ جي صوبي جي گورنر جو دفتر هو.

Sindhi Bible

⁷ ۽ انهن جي پاسي کان ملطياہ جبعوني ۽ يدون ميرونوتي، جي جبعون ۾ مصفاہ جي ماڻهن مان هئا، جن جو نديءَ جي هن ڀر واري واليءَ جي تخت سان تعلق هو، تن مرمت جو ڪم ڪيو.

نحمياہ 3:7 Iomraidhean Croise

2.سموئيل 21:2

تڏهن دائود بادشاهہ جِبعونين کي گھرائي ساڻن ڳالهايو. اهي جِبعوني بني اسرائيل مان نہ هئا بلڪ اهي باقي بچيل امورين مان هئا ۽ بني اسرائيل هنن جي حفاظت ڪرڻ جو ساڻن قسم کڻي واعدو ڪيو هو. پر سائول بني يهوداہ ۽ باقي بني اسرائيل وارن جي جوش ۾ هنن سڀني کي قتل ڪرڻ ٿي گھريو.

نحمياہ 3:19

انهيءَ کان پوءِ عيزر ولد يشوع جيڪو مصفاہ جو حاڪم هو، تنهن اسلحہ‌خاني جي چاڙهيءَ جي سامهون کان وٺي ويندي ڀت جي وراڻي تائين واري حصي جي مرمت ڪرائي.

2.تواريخ 16:6

پوءِ آسا بادشاهہ يهوداہ جي سڀني ماڻهن کي گڏ ڪيو ۽ اهي رامہ ڏانهن ويا ۽ اتان اهي پٿر ۽ ڪاٺ جيڪي بعشا استعمال ٿي ڪيا، سي سڀ کڻي آيا. انهيءَ سامان مان آسا جِبع ۽ مصفاہ شهرن کي ڪوٽ ڪڍرايا.

عزرا 4:11

خط جو متن هي آهي تہ ”بحضور شهنشاهہ ارتخششتا، ازطرف اوهان جا ٻانها جيڪي اولهہ واري فرات نديءَ جي صوبي ۾ رهن ٿا.

1.تواريخ 27:30

اٺن جو نگران اوبل اسماعيل گھراڻي وارو هو. گڏهن جو نگران يحدياہ مرونوتي هو.