لاوي سرشتو 13:4 - Muslim Sindhi Bible

⁴ پر جيڪڏهن هن جي جسم جي چمڙيءَ تي اهو اڇو چمڪندڙ داغ هن جي چمڙيءَ کان اونهو ڏسڻ ۾ نہ اچي ۽ انهيءَ جا وار بہ اڇا نہ ٿيا هجن، تہ پوءِ ڪاهن اهڙي مرض واري ماڻهوءَ کي ست ڏينهن بند ڪري ويهاري.

Sindhi Bible

⁴ ۽ جيڪڏهن هن جي بت جي کل تي اهو چمڪندڙ داغ اڇو هجي، پر اهو مرض هن جي بت جي کل کان اونهو ڏسڻ ۾ نہ اچي، ۽ انهي جا وار بہ اڇا نہ ٿيا هجن، تہ پوءِ ڪاهن اهڙي مرض واري ماڻهوءَ کي ست ڏينهن بند ڪري ويهاري:

لاوي سرشتو 13:4 Iomraidhean Croise

حزقي ايل 44:10

خداوند مون کي وڌيڪ فرمايو تہ ”لاوين کي ئي منهنجي هيڪل ۾ خدمت ڪرڻي آهي. پر ڪي لاوي مون کي ڇڏي ٻين بني اسرائيل وارن سان گڏجي گمراهہ ٿي بتن جي پوڄا ڪرڻ لڳا، تن لاوين کي آءٌ سندن بدڪاريءَ جي سزا ضرور ڏيندس.

لاوي سرشتو 13:11

تہ پوءِ انهيءَ جي جسم جي چمڙيءَ ۾ اهو پراڻو وچڙندڙ مرض آهي. سو ڪاهن هن کي ناپاڪ قرار ڏئي. کيس بند ڪري نہ ويهاري، ڇاڪاڻ تہ هن جي ناپاڪي ظاهر ٿي ويئي آهي.

لاوي سرشتو 13:25

تہ پوءِ ڪاهن هن کي چڪاسي ڏسي. جيڪڏهن انهيءَ چمڪندڙ داغ جا وار اڇا ٿي ويا هجن ۽ اهو مرض چمڙيءَ کان اونهو ڏسڻ ۾ اچي تہ اهو وچڙندڙ مرض آهي جيڪو انهيءَ داغ ۾ پيدا ٿيو آهي، سو ڪاهن انهيءَ ماڻهوءَ کي ناپاڪ قرار ڏئي.

لاوي سرشتو 13:26

پر جيڪڏهن ڪاهن ڏسي تہ انهيءَ چمڪندڙ داغ جا وار اڇا نہ ٿيا آهن ۽ اهو داغ چمڙيءَ کان اونهو نہ آهي بلڪ جھڪو آهي، تہ پوءِ ڪاهن انهيءَ ماڻهوءَ کي ست ڏينهن بند ڪري ويهاري.

لاوي سرشتو 13:3

اهو ڪاهن انهيءَ ماڻهوءَ جي جسم جي چمڙيءَ تي ٿيل مرض کي چڪاسي. جيڪڏهن مرض واري هنڌ جا وار اڇا ٿي ويا هجن ۽ اهو مرض هن جي چمڙيءَ کان اونهو ڏسڻ ۾ اچي، تہ پوءِ اهو چمڙيءَ جو وچڙندڙ مرض آهي ۽ ڪاهن انهيءَ ماڻهوءَ کي ناپاڪ قرار ڏئي.

لاوي سرشتو 13:31

پر جيڪڏهن ڪاهن کي مَلي جو اهو مرض چمڙيءَ کان اونهو ڏسڻ ۾ نہ اچي پر انهيءَ ۾ وار بہ ڪارا نہ هجن، تہ پوءِ ڪاهن مَلي واري مريض کي ست ڏينهن بند ڪري ويهاري.

لاوي سرشتو 13:5

ستين ڏينهن ڪاهن هن کي چڪاسي. جيڪڏهن سندس نظر ۾ اهو مرض هڪڙي ئي هنڌ بيٺل هجي ۽ چمڙيءَ تي پکڙيو نہ هجي، تہ پوءِ ڪاهن انهيءَ کي وري ٻيا بہ ست ڏينهن بند ڪري ويهاري.

لاوي سرشتو 13:50

ڪاهن انهيءَ داغ کي چڪاسي ڏسي ۽ جنهن شيءِ تي اهو داغ آهي تنهن کي ستن ڏينهن تائين بند ڪري رکي.

لاوي سرشتو 14:38

تہ پوءِ ڪاهن گھر مان ٻاهر نڪري اچي ۽ انهيءَ گھر کي ستن ڏينهن تائين بند ڪري ڇڏي.

ڳاڻاٽو 12:14

خداوند موسيٰ کي جواب ڏنو تہ ”جيڪڏهن هن جو پيءُ هن جي منهن تي رڳو ٿڪ ئي اڇلائي ها تہ ڇا هوءَ ستن ڏينهن تائين خوار نہ رهي ها؟ سو هاڻي ستن ڏينهن تائين هوءَ خيمي‌گاهہ کان ٻاهر رهي، پوءِ ڀلي اندر اچي.“

ڳاڻاٽو 12:15

سو مريم ست ڏينهن خيمي‌گاهہ کان ٻاهر رهي. جيستائين مريم موٽي اندر نہ آئي تيستائين ماڻهو اتان روانا ڪونہ ٿيا.

1.ڪرنٿين 4:5

تنهنڪري خداوند عيسيٰ جي اچڻ تائين ترسو ۽ مقرر وقت کان اڳي ڪنهن بہ ڳالهہ جو فيصلو نہ ڪريو، ڇاڪاڻ تہ اهو ئي اوندهہ ۾ لڪل ڳالهيون روشنيءَ ۾ آڻيندو ۽ ماڻهن جي دلين جا منصوبا ظاهر ڪندو. تڏهن خدا جي طرفان هر مناسب سوچ رکندڙ جي تعريف ڪئي ويندي.

شريعت جو دور 13:14

جڏهن اوهين ڪا اهڙي ڳالهہ ٻڌو تڏهن انهيءَ جي تحقيقات ۽ جاچ ڪجو ۽ چڱيءَ طرح پڇا‌ڳاڇا ڪجو. جيڪڏهن اها سچي ۽ يقيني ڳالهہ هجي تہ اوهان جي وچ ۾ ڪو اهڙو ڪراهت جهڙو ڪم ٿيو آهي،

1.تيمٿيس 5:24

هيءَ ڳالهہ ياد رک تہ ڪن ماڻهن جا گناهہ سندن عدالت ۾ پهچڻ کان اڳي ئي صاف ظاهر ٿا ٿين، پر ڪن جا گناهہ بعد ۾ ظاهر ٿيو پون.