يشوع 9:15 - Muslim Sindhi Bible

¹⁵ پوءِ يشوع ساڻن صلح ڪري کين جيئدان ڏيڻ جو عهد ڪيو ۽ قوم جي اڳواڻن قسم کڻي انهيءَ عهد جي تائيد ڪئي.

Sindhi Bible

¹⁵ ۽ يشوع هنن سان صلح ڪيو، ۽ ساڻن عهد ٻڌائين، تہ هنن کي جيئدان ملي: ۽ جماعت جي سردارن هنن سان قسم کنيو.

يشوع 9:15 Iomraidhean Croise

2.سموئيل 21:2

تڏهن دائود بادشاهہ جِبعونين کي گھرائي ساڻن ڳالهايو. اهي جِبعوني بني اسرائيل مان نہ هئا بلڪ اهي باقي بچيل امورين مان هئا ۽ بني اسرائيل هنن جي حفاظت ڪرڻ جو ساڻن قسم کڻي واعدو ڪيو هو. پر سائول بني يهوداہ ۽ باقي بني اسرائيل وارن جي جوش ۾ هنن سڀني کي قتل ڪرڻ ٿي گھريو.

خروج 23:32

اوهين انهن سان يا انهن جي معبودن سان ڪوبہ عهد نہ ڪريو.

يشوع 10:1

يروشلم جي بادشاهہ ادوني‌صدق ٻڌو تہ يشوع عئي شهر هٿ ڪري ورتو آهي ۽ انهيءَ کي صفا ناس ڪري ڇڏيو اٿس ۽ جيئن هن يريحو شهر ۽ ان جي بادشاهہ سان ڪيو، تيئن ئي عئي شهر ۽ ان جي بادشاهہ سان ڪيو اٿس. هن هي بہ ٻڌو تہ جِبعون جي رهاڪن بني اسرائيل سان صلح ڪيو آهي ۽ انهن جي ويجھڙائيءَ ۾ ئي پيا رهن.

يشوع 10:4

”جِبعون شهر تي حملي ڪرڻ ۾ اچي منهنجي مدد ڪريو، ڇاڪاڻ تہ اتي جي رهاڪن يشوع ۽ بني اسرائيل سان صلح ڪيو آهي.“

يشوع 11:19

حوي جيڪي جِبعون ۾ رهندا هئا تن کان سواءِ ٻيو ڪوبہ اهڙو شهر ڪونہ هو جنهن بني اسرائيل سان امن جو معاهدو ڪيو هجي. اهي سڀيئي علائقا جنگ ۾ فتح ڪيا ويا هئا.

يشوع 9:16

انهيءَ عهد ڪرڻ کان ٽي ڏينهن پوءِ بني اسرائيل کي خبر پيئي تہ اهي تہ سندن پاڙيسري آهن ۽ سندن ويجھڙائيءَ ۾ ئي رهن ٿا.