يشوع 8:4 - Muslim Sindhi Bible

⁴ روانو ڪرڻ وقت هن کين حڪم ڏنو تہ ”اوهين شهر جي پٺيان لڪي ويهي رهجو. شهر کان گھڻو پري نہ وڃجو ۽ سڀ تيار ٿي ويهجو.

Sindhi Bible

⁴ ۽ هن انهن کي حڪم ڏيئي چيو تہ ڏسو، اوهين شهر وٺڻ جي لاءِ انهي جي پٺيان لڪي ويهي رهجو، ۽ شهر کان گهڻو پري نہ وڃجو، پر سڀ تيار ٿي ويهجو:

يشوع 8:4 Iomraidhean Croise

2.بادشاهَہ 7:12

تڏهن اڃا رات ئي هئي جو بادشاهہ اٿيو ۽ پنهنجي عملدارن کي چيائين تہ ”آءٌ اوهان کي ٻڌايان تہ ارامين ڇا رٿيو آهي! هنن کي خبر آهي تہ هتي اسان وٽ ڏڪار آهي، تنهنڪري هو خيمي‌گاهہ مان نڪري جھنگ ۾ وڃي لڪا آهن. سندن خيال آهي تہ پڪ اسان کاڌي جي تلاش ۾ شهر مان نڪرنداسين، تڏهن هو اچي اسان کي جيئرو پڪڙيندا ۽ شهر تي قبضو ڪندا.“

2.تواريخ 13:13

انهيءَ وچ ۾ يربعام يهوداہ وارن جي پٺيان لڪ ڇپ ۾ ڪجھہ لشڪر ڦيرائي آندو، جڏهن تہ باقي لشڪر ابياہ جي لشڪر اڳيان بيٺل رهيو.

واعظ 7:19

ڏاهي ماڻهوءَ لاءِ سندس ڏاهپ هڪڙي اهڙي طاقت آهي جيڪا کيس شهر جي ڏهن طاقتور ماڻهن کان بہ وڌيڪ زورآور ٿي بڻائي.

واعظ 9:16

تڏهن مون سمجھيو تہ ”ڏاهپ طاقت کان وڌيڪ بهتر آهي.“ پر غريب ماڻهوءَ جي ڏاهپ کي ڪابہ اهميت نہ ٿي ڏني وڃي ۽ هن جي ڪنهن ڳالهہ تي ڪوبہ ڌيان نہ ٿو ڏنو وڃي.

سنتن جا ڪم 23:21

پر اوهين سندن چيو نہ مڃجو، ڇاڪاڻ تہ چاليهن کان بہ وڌيڪ يهودي ماڻهو رستي تي لڪي ويهندا، جن قسم کنيو آهي تہ جيستائين هو پولس کي نہ ماريندا، تيستائين نڪي کائيندا نڪي پيئندا. سو هو هاڻي سنبريا ويٺا آهن، رڳو اوهان جي فيصلي جو انتظار اٿن.“

يشوع 8:16

عئي شهر وارن پنهنجي شهر جي سڀني ماڻهن کي هنن جو پيڇو ڪرڻ لاءِ سڏي گڏ ڪيو. پوءِ هنن يشوع جو پيڇو ڪيو، تان جو شهر کان پري نڪري ويا.

يشوع 8:3

سو يشوع ۽ سندس سڀ جنگي مرد عئي شهر تي حملي ڪرڻ لاءِ تيار ٿيا. يشوع ٽيهہ هزار بهادر جنگي جوان چونڊي ڪڍيا ۽ انهن کي رات جو روانو ڪيائين.

قاضين 20:29

پوءِ بني اسرائيل جِبعت جي چوڌاري ڪجھہ ماڻهو لڪائي ويهاري ڇڏيا.

قاضين 20:33

بني اسرائيل جا سڀ ماڻهو پوئتي هٽيا ۽ بعل‌تمر واري هنڌ وٽ گڏ ٿي وري صفون ٻڌي بيهي رهيا. هوڏانهن جِبعت شهر جي اولهہ ۾ جيڪي بني اسرائيل لڪا ويٺا هئا سي نڪري نروار ٿيا.

قاضين 20:36

پوءِ بني بنيامين سمجھيو تہ ”اسين شڪست کائي چڪا آهيون.“ بني اسرائيل جي ماڻهن اهڙيءَ طرح جنگ کٽي جو هو بني بنيامين جي اڳيان پوئتي هٽيا، انهيءَ لاءِ تہ هنن انهن ماڻهن تي ڀاڙيو پئي جيڪي جِبعت جي چوڌاري لڪائي ويهاريا هئائون.

قاضين 9:25

سو سڪم جي اڳواڻن ابيملڪ جي خلاف جبلن جي چوٽين تي ماڻهو لڪائي ويهاري ڇڏيا. اهي انهيءَ رستي سان لنگھندڙ سڀني ماڻهن کي پيا لٽيندا ڦريندا هئا. اها ڳالهہ ابيملڪ کي ٻڌائي ويئي.

قاضين 9:32

تنهنڪري هاڻي توهين ۽ ٻيا ماڻهو جيڪي توهان سان گڏ آهن سي رات جو وڃي ٻنيءَ ۾ لڪي ويهي رهو.

1.سموئيل 15:2

خداوند قادرِمطلق فرمائي ٿو تہ ’جڏهن بني اسرائيل مصر مان نڪتا هئا، تڏهن عماليقي ڪيئن نہ ساڻن جنگ ڪرڻ لاءِ رستي ۾ اچي بيٺا هئا. سو هنن جيڪي بني اسرائيل سان ڪيو هو تنهن جي آءٌ کين سزا ڏيندس.

1.سموئيل 15:5

پوءِ سائول لشڪر ساڻ ڪري عماليقين جي شهر ڏانهن ويو ۽ ٻاهر برساتي نهر ۾ اچي لڪي ويهي رهيو.