يشوع 17:6 - Muslim Sindhi Bible

⁶ ڇو تہ منسيءَ قبيلي جي عورتن کي بہ مردن سان گڏ ورثو مليو. جِلعاد جي زمين منسيءَ جي اولاد مان باقي ٻين بچي ويلن کي ملي.

Sindhi Bible

⁶ ڇالاءِ جو منسيءَ جي ڌيئرن کي سندن پٽن سان گڏ ورثو مليو: ۽ منسيءَ جي باقي ٻين پٽن کي جلعاد جي زمين ملي.

يشوع 17:6 Iomraidhean Croise

يشوع 13:29

اهو علائقو جيڪو موسيٰ منسيءَ جي اوڀر واري اڌ قبيلي کي سندن گھراڻن موجب ڏنو هو سو هي هو.

يشوع 13:30

اهو علائقو محنايم کان وٺي شروع ٿيو. انهيءَ ۾ سڄو بسن، بسن جي بادشاهہ عوج جي سڄي بادشاهت ۽ يائير جا سڀيئي سٺ شهر جيڪي بسن ۾ آهن، سي شامل هئا.

يشوع 13:31

منجھس اڌ جِلعاد، عستارات ۽ ادرعي، جيڪي بسن ۾ عوج جي بادشاهت جا گاديءَ وارا شهر هئا، سي پڻ شامل هئا. اهي سڀ منسيءَ جي پٽ مڪير جي اولاد جي اڌ گھراڻن کي ڏنا ويا.

يشوع 17:5

اهو ئي سبب آهي جو منسيءَ کي اردن درياءَ جي اوڀر طرف جِلعاد ۽ بسن جي زمين کان سواءِ ٻيا ڏهہ حصا مليا،

يشوع 17:7

منسيءَ جي اولهہ واري اڌ قبيلي کي مليل ورثي جي سرحد اتر ۾ آشر کان وٺي ڏکڻ ۾ سڪم شهر جي اوڀر طرف مڪمتاہ تائين هئي. انهيءَ کان اڳتي ڏاکڻي پاسي عين‌تفوح جو سڄو علائقو انهيءَ سرحد ۾ شامل هو.