يشوع 17:13 - Muslim Sindhi Bible

¹³ توڙي جو جڏهن بني اسرائيل زور ورتو تڏهن بہ ڪنعانين کي بلڪل نہ ڪڍيائون، بلڪ کانئن بيگار وٺڻ لڳا.

Sindhi Bible

¹³ تڏهن بہ هئين ٿيو تہ جنهن وقت بني اسرائيل زور ورتو، تنهن وقت ڪنعانين کان بيگر وٺڻ لڳا، پر هنن کي صفا هڪالي ڪڍي نہ ڇڏيائون.

يشوع 17:13 Iomraidhean Croise

پيدائش 49:15

پر جڏهن هو ڪا چڱي آرام‌گاهہ يا ڪا دلپسند زمين ڏسندا، تڏهن ڪلهي تي بار کڻڻ لاءِ پنهنجو ڪلهو جھڪائيندا، توڙي جو کين غلام بڻجي مجبوراً ڪم ڪرڻو پوي.

2.سموئيل 3:1

سائول جي پٽ اشبوست ۽ دائود جي وچ ۾ گھڻي عرصي تائين جنگيون هلنديون رهيون. ان دوران دائود ڏينهون ڏينهن ويو زور وٺندو، جڏهن تہ اشبوست ڏينهون ڏينهن ڪمزور ٿيندو ويو.

اِفسين 6:10

انهيءَ کان علاوہ اوهين سڀ خداوند عيسيٰ ۾ سندس قدرت سان ڀرپور ٿي طاقتور ٿيو.

فلپين 4:13

مطلب تہ خداوند عيسيٰ جيڪو مون کي طاقت بخشي ٿو تنهن ۾ آءٌ هر ڳالهہ کي منهن ڏيئي ٿو سگھان.

يشوع 16:10

پر انهن جزر ۾ رهندڙ ڪنعانين کي ڀڄائي نہ ڪڍيو، سو ڪنعاني اڄ ڏينهن تائين بني افرائيم ۾ رهندا اچن. البت هو ٻانها ٿي انهن جي بيگار جو ڪم ڪندا آهن.

2.پطرس 3:18

ان جي بدران اوهين اسان جي خداوند ۽ ڇوٽڪاري ڏيندڙ عيسيٰ مسيح جي فضل جي وسيلي کيس ڄاڻڻ ۾ وڌندا رهو. شل انهيءَ جي عظمت جي واکاڻ هاڻي بہ ٿئي ۽ هميشہ هميشہ تائين ٿيندي رهي. آمين.

قاضين 1:28

جڏهن بني اسرائيل مضبوط ٿيا، تڏهن هو ڪنعانين کان بيگر جو ڪم وٺڻ لڳا پر انهن کي صفا هڪالي نہ ڪڍيائون.

قاضين 1:30

زبولون قبيلي وارن پڻ قطرون ۽ نهلال ۾ پاڻ سان رهندڙ ڪنعانين کي هڪالي نہ ڪڍيو، پر کانئن بيگر جو ڪم وٺڻ لڳا.

قاضين 1:33

نفتالي قبيلي وارن پڻ بيت‌شمس ۽ بيت‌عنات جي رهندڙن کي هڪالي نہ ڪڍيو. هو اتي جي رهندڙ ڪنعانين سان گڏ رهندا آيا ۽ کانئن بيگر جو ڪم وٺڻ لڳا.

قاضين 1:35

اموري حرس جبل، ايالون ۽ سعلبيم ۾ رهندا آيا، پر يوسف جي گھراڻي يعني بني افرائيم ۽ بني منسي قبيلن وارن انهن کي پنهنجي هٿ هيٺ آندو ۽ کانئن بيگر جو ڪم وٺڻ لڳا.