يشوع 15:17 - Muslim Sindhi Bible

¹⁷ پوءِ ڪالب جي ڀاءُ قنز جي پٽ غتني‌ايل انهيءَ تي قبضو ڪيو، سو ڪالب پنهنجي ڌيءَ عڪسہ هن کي پرڻائي ڏني.

Sindhi Bible

¹⁷ ۽ ڪالب جي ڀاءُ قنز جي پٽ غٿني ايل اُهو ورتو: ۽ انهي کي هن پنهنجي ڌيءَ پرڻائي ڏني.

يشوع 15:17 Iomraidhean Croise

1.تواريخ 2:49

معڪہ مان کيس ٻہ ٻيا پٽ بہ ڄاوا: پهريون شعف جيڪو مدمناہ جو باني هو ۽ ٻيو سوا، جيڪو مڪبينا ۽ جِبع جو باني هو. انهيءَ کان سواءِ ڪالب کي عڪسہ نالي ڌيءَ بہ هئي.

1.تواريخ 4:13

قنز جا پٽ غتني‌ايل ۽ شراياہ هئا. غتني‌ايل جا پٽ حت ۽ معوناتي هئا.

ڳاڻاٽو 32:12

پر رڳو يفنہ قنزيءَ جو پٽ ڪالب ۽ نون جو پٽ يشوع ئي انهيءَ ملڪ ۾ داخل ٿيندا، ڇوجو هنن مون خداوند جي دل وَ جان سان تابعداري ڪئي آهي.‘

يشوع 14:6

پوءِ بني يهوداہ قبيلي جا ڪي ماڻهو جِلجال ۾ يشوع وٽ آيا. انهن مان ڪالب بن يفنہ قنزيءَ کيس چيو تہ ”توهان کي خبر آهي تہ قادش‌برنيع ۾ مردِخدا موسيٰ کي منهنجي ۽ توهان جي باري ۾ خداوند ڇا فرمايو هو.

يشوع 15:16

تڏهن ڪالب چيو تہ ”جيڪو قريت‌سِفر تي حملو ڪري مٿس قبضو ڪندو تنهن کي آءٌ پنهنجي ڌيءَ عڪسہ پرڻائيندس.“

قاضين 1:13

سو ڪالب جي ننڍي ڀاءُ قنز جي پٽ غتني‌ايل انهيءَ تي قبضو ڪيو. تڏهن ڪالب پنهنجي ڌيءَ عڪسہ کيس پرڻائي ڏني.

قاضين 3:11

سو ڪنعان ملڪ ۾ چاليهن سالن تائين امن وَ سڪون رهيو. پوءِ غتني‌ايل وفات ڪئي.

قاضين 3:9

پوءِ جڏهن بني اسرائيل خداوند کي پڪاريو، تڏهن هن هڪڙو ڇڏائيندڙ بني اسرائيل لاءِ اٿاريو، جنهن کين ڇڏايو. اهو ڪالب جي ننڍي ڀاءُ قنز جو پٽ غتني‌ايل هو.