واعظ 1:9 - Muslim Sindhi Bible

⁹ جيڪي ڪجھہ ٿي رهيو آهي، سو اڳ بہ ٿي چڪو آهي. جيڪي ڪجھہ ڪيو پيو وڃي، سو اڳ بہ ڪيو ويو آهي. هن سڄيءَ دنيا ۾ ڪابہ شيءِ نئين ڪانهي.

Sindhi Bible

⁹ جيڪي ٿي گذريو آهي سو اُهو آهي جو ٿيندو؛ ۽ جيڪي ڪيو ويو آهي سو اُهو آهي جو ڪيو ويندو: ۽ سج هيٺان ڪابہ نئين شيءِ ڪانهي.

واعظ 1:9 Iomraidhean Croise

واعظ 1:10

شايد ڪو ائين چوي تہ ”ڏسو هيءَ شيءِ نئين آهي.“ پر نہ، اهو سڀ تہ اڳئين زماني ۾، اسان جي پيدا ٿيڻ کان بہ اڳ ۾ ٿي چڪو آهي.

واعظ 2:12

ڪوبہ بادشاهہ رڳو اهڙو ڪجھہ ڪري سگھي ٿو، جيڪو هن کان اڳ ۾ ٻيا بادشاهہ ڪري چڪا آهن. سو مون جاچيو تہ متان ڏاهپ ۽ بي‌عقليءَ جي ڀيٽ ڪرڻ ۾ ڪو فائدو هجي.

واعظ 3:15

هر ڳالهہ جيڪا هاڻي ٿي رهي آهي، سا اڳ ۾ بہ ٿي چڪي آهي ۽ جيڪي ڪجھہ ايندڙ وقت ۾ ٿيڻو آهي سو هاڻي بہ ٿي رهيو آهي. مطلب تہ خدا ساڳئي ڪم کي وري وري ڪندو رهي ٿو.

واعظ 6:10

دنيا جو ڪاروهنوار گھڻو اڳ ئي مقرر ٿيل آهي. انسان ۾ اهڙي طاقت نہ آهي جو هو ان ۾ ڪابہ ردوبدل ڪري سگھي، ڇاڪاڻ تہ ڪوبہ ماڻهو انهيءَ سان مقابلو ڪري نہ ٿو سگھي جيڪو کانئس وڌيڪ زورآور آهي.

واعظ 7:10

اوهين ائين نہ چئو تہ ”هاڻي وارن ڏينهن کان اڳيان ڏينهن بهتر هئا،“ ڇاڪاڻ تہ اوهان جي اها سوچ عقلمنديءَ واري ناهي.

يسعياہ 43:19

فقط انهن ڳالهين ڏانهن ڌيان ڏيو، جيڪي آءٌ هاڻي ڪرڻ وارو آهيان. اهي هاڻي عمل ۾ اينديون، اوهين انهيءَ ڳالهہ تي ڌيان نہ ٿا ڏيو ڇا؟ ڏسو، آءٌ بيابان ۾ هڪ رستو جوڙيان ٿو، ۽ اتان ئي نديون وهايان ٿو.

يرمياہ 31:22

اي اوهين! جيڪي نٺر ڌيءَ مثل آهيو، ڪيستائين پيا رلندا رهندا؟ خداوند دنيا ۾ هڪڙي نئين ڳالهہ پيدا ڪئي آهي، جيڪا هن مثال جهڙي آهي جو عورت کي مرد جو محافظ بڻايو وڃي.

2.پطرس 2:1

پر جهڙيءَ طرح بني اسرائيل ۾ نبي سڏائيندڙ ڪوڙا ماڻهو هئا، تهڙيءَ طرح اوهان ۾ بہ ڪوڙي تعليم ڏيندڙ ظاهر ٿيندا. اهي ڳُجھيءَ طرح برباد ڪندڙ بدعتون ڦهلائيندا. ايتري قدر جو هو انهيءَ مالڪ جو بہ انڪار ڪندا، جنهن کين مُلهہ ڏيئي خريد ڪيو هو. ائين هو پاڻ تي جلد ئي بربادي آڻيندا.

مڪاشفو 21:1

پوءِ مون هڪڙو نئون آسمان ۽ هڪڙي نئين زمين ڏٺي، ڇاڪاڻ تہ پهريون آسمان ۽ پهرين زمين ڪانہ رهي ۽ نہ وري ڪو سمنڊ هو.

مڪاشفو 21:5

پوءِ تخت تي ويٺل هستيءَ مون کي چيو تہ ”ڏس، آءٌ سڀني شين کي نئون ٿو ڪريان.“ هن هي بہ چيو تہ ”اهو لکي ڇڏ، ڇاڪاڻ تہ هي لفظ سچا ۽ ڀروسي جوڳا آهن.“