2.سموئيل 9:9 - Muslim Sindhi Bible

⁹ پوءِ بادشاهہ سائول جي ٻانهي ضيبا کي سڏي چيو تہ ”سائول ۽ سندس گھراڻي جي جيڪا بہ ملڪيت هئي، سا مون تنهنجي آقا جي پوٽي کي ڏيئي ڇڏي.

Sindhi Bible

⁹ تڏهن بادشاهہ سائول جي ٻانهي ضيبا کي سڏي چيو تہ جيڪا بہ سائول جي ۽ سندس گهراڻي جي ملڪيت هئي، سا مون تنهنجي ڌڻيءَ جي پٽ کي ڏيئي ڇڏي آهي.

2.سموئيل 9:9 Iomraidhean Croise

2.سموئيل 16:3

بادشاهہ کانئس پڇيو تہ ”تنهنجي آقا سائول جو پوٽو مفيبوست ڪٿي آهي؟“ ضيبا وراڻيو تہ ”هو يروشلم ۾ رهي ٿو، ڇاڪاڻ تہ کيس پڪ آهي تہ هاڻي بني اسرائيل وارا مون کي پنهنجي ڏاڏي جي بادشاهي موٽائي ڏيندا.“

2.سموئيل 16:4

تڏهن بادشاهہ ضيبا کي چيو تہ ”مفيبوست جي جيڪا بہ شيءِ آهي سا سڀ هاڻي تنهنجي آهي.“ ضيبا وراڻي ڏيندي چيو تہ ”آءٌ تعظيم بجا ٿو آڻيان، اي منهنجا آقا بادشاهہ! شل آءٌ تنهنجي نظر ۾ مان لهان.“

2.سموئيل 19:29

تڏهن بادشاهہ هن کي چيو تہ ”انهن ڳالهين جو وڌيڪ ذڪر ڇو ٿو ڪرين؟ مون فيصلو ڪري ڇڏيو آهي تہ تون ۽ ضيبا سائول بادشاهہ جي زمين پاڻ ۾ ورهايو.“

2.سموئيل 19:30

مفيبوست بادشاهہ کي وراڻيو تہ ”هو ڀلي سموري ئي زمين کڻي. منهنجي لاءِ اهو ئي ڪافي آهي تہ منهنجو آقا بادشاهہ صحيح سلامت پنهنجي گھر موٽي آيو آهي.“

يسعياہ 32:8

پر نيڪ ماڻهو نيڪيءَ وارا منصوبا ٿا جوڙين. بيشڪ اهي پنهنجي انهن نيڪ منصوبن تي قائم رهندا.

1.سموئيل 9:1

بنيامين قبيلي ۾ هڪڙو وڏو اثررسوخ وارو ماڻهو هو، جنهن جو نالو قيس بن ابي‌ايل بن صرور بن بڪورت بن افيخ هو.