2.سموئيل 4:5 - Muslim Sindhi Bible

⁵ هاڻي رمون بيروتيءَ جا پٽ ريڪاب ۽ بعنہ اشبوست جي گھر ڏانهن روانا ٿيا ۽ ڏينهن تتي مهل جڏهن اشبوست منجھند جو آرام ۾ هو تڏهن سندس گھر اچي پهتا.

Sindhi Bible

⁵ هاڻي رمون بيروتيءَ جا پٽ ريڪاب ۽ بعنہ روانا ٿيا، ۽ ڏينهن تتي مهل جڏهن اشبوست ٻن پهرن جو آرام ۾ هو تڏهن سندس گهر آيا.

2.سموئيل 4:5 Iomraidhean Croise

2.سموئيل 11:2

هڪڙي ڏينهن شام جو دائود جڏهن پنهنجي پلنگ تان اُٿي شاهي محل جي ڇت تي ٽهلڻ لڳو، تہ ڇت تان هن هڪڙيءَ عورت کي وهنجندي ڏٺو. اها عورت ڏاڍي خوبصورت هئي.

2.سموئيل 2:8

هوڏانهن سائول جو سپهہ‌سالار ابنير ولد نير سائول جي پٽ اشبوست کي ساڻ ڪري ڀڄي وڃي اردن درياءَ جي اوڀر واري شهر محنايم ۾ آيو.

2.سموئيل 4:2

اشبوست وٽ ٻہ ماڻهو هئا جيڪي لشڪرن جا سالار هئا، هڪڙي جو نالو بعنہ ۽ ٻئي جو ريڪاب هو. اهي ٻئي رمون بيروتيءَ جا پٽ هئا، جيڪو بنيامين قبيلي مان هو. ان وقت بيروت شهر کي بنيامين قبيلي جو حصو شمار ٿي ڪيو ويو.

1.بادشاهَہ 16:9

تڏهن هن جو سالار جنهن جو نالو زمري هو ۽ جيڪو جنگي گھوڙي گاڏين مان اڌ حصي جو نگران هو، تنهن هن خلاف بغاوت ڪئي. هڪ ڏينهن ترضہ ۾ ايلہ پنهنجي محل جي نگران ارضہ جي گھر ۾ گھڻي پيئڻ ڪري نشي ۾ ٻڏو پيو هو.

2.تواريخ 24:25

جيئن تہ يوآس لڙائيءَ ۾ سخت زخمي ٿي پيو هو، سو جڏهن ارامي لشڪر کيس ڇڏي هليو ويو، تڏهن سندس ئي ٻن عملدارن يهويدع ڪاهن جي پٽ جو بدلو وٺڻ لاءِ کيس سندس پلنگ تي ئي ڪُهي ڇڏيو. کيس دائود جي شهر ۾ دفن ڪيو ويو پر بادشاهن واري قبرستان کان ٻاهر.

2.تواريخ 25:27

جڏهن کان وٺي امصياہ خداوند جي حڪمن جي پيروي ڪرڻ کان ڦري ويو هو تڏهن کان وٺي ماڻهن يروشلم ۾ سندس خلاف سازشون ٿي ڪيون. آخرڪار هو لڪيس شهر ڏانهن ڀڄي ويو، پر تڏهن بہ انهن ماڻهن سندس پٺيان لڪيس ڏانهن بہ ماڻهو موڪلي کيس قتل ڪرائي ڇڏيو.

2.تواريخ 33:24

امُون جي عملدارن سندس خلاف سازش ڪئي ۽ کيس سندس ئي محل ۾ ماري ڇڏيائون.