2.سموئيل 3:16 - Muslim Sindhi Bible

¹⁶ پر سندس مڙس ساڻس گڏ اُٿي هليو ۽ بحوريم شهر تائين هن جي پٺيان روئندو آيو. پوءِ جڏهن ابنير چيس تہ ”موٽي وڃ،“ تڏهن هو موٽي ويو.

Sindhi Bible

¹⁶ ۽ سندس مڙس ساڻس گڏ روئندو هليو، ۽ بحوريم تائين هن جي پٺيان لڳو ويو. تڏهن ابنير هن کي چيو تہ موٽي وڃ: سو هو موٽي ويو.

2.سموئيل 3:16 Iomraidhean Croise

2.سموئيل 16:5

جڏهن دائود بادشاهہ بحوريم شهر ۾ پهتو، تڏهن سائول جي گھراڻي جي ماڻهن مان هڪڙو شخص نڪري آيو جنهن جو نالو شمعي ولد جيرا هو. هو لعنتون وجھندو ٿي آيو.

2.سموئيل 17:18

پر هن دفعي هڪڙي ڇوڪر هنن کي ڏسي ورتو ۽ انهيءَ وڃي ابي‌سلوم کي ٻڌايو. مگر هو ٻئي ڄڻا تڪڙا هلي بحوريم شهر ۾ هڪڙي واقف ماڻهوءَ جي گھر آيا، جنهن جي اڱڻ ۾ هڪڙو کوهہ هو. سو هو انهيءَ ۾ اندر لهي ويا.

2.سموئيل 19:16

بنيامين قبيلي جو شمعي ولد جيرا، جيڪو بحوريم شهر جو ويٺل هو، سو بہ دائود بادشاهہ جو استقبال ڪرڻ لاءِ تڪڙو اچي بني يهوداہ جي ماڻهن سان گڏيو.

2.سموئيل 19:17

انهيءَ سان بنيامين قبيلي جا هڪ هزار ماڻهو ۽ سائول جي گھراڻي جو نوڪر ضيبا پنهنجي پندرهن پٽن ۽ ويهن ٻانهن سميت گڏ هو. اهي اردن درياءَ تي بادشاهہ جي سامهون اچي پهتا.

2.سموئيل 23:31

ابي‌علبون عرباتي، عزماوت برحومي،

2.سموئيل 3:15

تڏهن اشبوست ماڻهو موڪلي ميڪل کي سندس مڙس فلطي‌ايل ولد ليس کان کسي ورتو.

1.بادشاهَہ 2:8

ٻيو ياد رک تہ جيرا جو پٽ شمعي جيڪو بني بنيامين جي علائقي واري شهر بحوريم جو رهاڪو آهي، تنهن محنايم شهر ڏانهن وڃڻ واري ڏينهن مون تي سخت لعنت وڌي هئي. پر پوءِ جڏهن هو اردن درياءَ وٽ منهنجي استقبال لاءِ آيو هو تڏهن مون ساڻس خداوند جو قسم کڻي کيس چيو هو تہ ’آءٌ تو کي نہ مارائيندس.‘

يرمياہ 41:6

انهيءَ وقت اسماعيل هنن سان ملڻ لاءِ مصفاہ شهر مان نڪري آيو ۽ هو بہ ڏک جو اظهار ڪندي سڄي واٽ رئندو آيو. جڏهن هو ساڻن مليو تڏهن کين چيائين تہ ”مون سان گڏ هلي گورنر جِدلياہ ولد اخيقام سان ملو.“