2.سموئيل 3:13 - Muslim Sindhi Bible

¹³ دائود وراڻي ڏنس تہ ”چڱو، آءٌ تو سان هڪڙيءَ شرط تي معاهدو ڪندس تہ جڏهن تون مون سان ملڻ ايندين، تڏهن سائول جي ڌيءَ ميڪل کي ضرور پاڻ سان مون وٽ آڻيندين.“

Sindhi Bible

¹³ ۽ دائود چيو تہ چڱو، آءٌ توسان عهد ڪندس، پر هڪڙي ڳالهہ تو کان گهران ٿو، تہ جڏهن تون منهنجي ملاقات لاءِ اچين، تڏهن جيستائين سائول جي ڌيءَ ميڪل پاڻ سان وٺيو نہ ايندين، تيستائين منهنجو منهن نہ ڏسندين.

2.سموئيل 3:13 Iomraidhean Croise

پيدائش 43:3

تڏهن يهوداہ کيس چيو تہ ”انهيءَ ماڻهوءَ اسان کي سختيءَ سان چتاءُ ڏنو هو تہ ’جيڪڏهن اوهان جو ڀاءُ اوهان سان نہ هجي تہ منهنجي سامهون نہ اچجو.‘

پيدائش 44:23

پر اوهان پنهنجن ٻانهن کي چيو هو تہ ’جيستائين اوهين پنهنجي ننڍي ڀاءُ کي پاڻ سان نہ آڻيندا، تيستائين اوهين منهنجي سامهون نہ اچجو.‘

پيدائش 44:26

پر اسان چيو تہ ’اسين ائين وڃي نہ ٿا سگھون. جيڪڏهن اسان جو سڀني کان ننڍو ڀاءُ اسان سان هلندو تہ پوءِ اسين وينداسين، ڇاڪاڻ تہ جيستائين اسان جو ننڍو ڀاءُ اسان سان نہ هوندو، تيستائين اسين انهيءَ ماڻهوءَ جي سامهون وڃي نہ سگھنداسين.‘

2.سموئيل 3:12

پوءِ ابنير دائود ڏانهن پنهنجا قاصد موڪليا، جيڪو ان وقت حبرون ۾ هو. هن کيس چوائي موڪليو تہ ”هن ملڪ تي ڪير حاڪم ٿيندو؟ تون مون سان معاهدو ڪر تہ آءٌ سڄي بني اسرائيل کي تنهنجي پاسي آڻڻ ۾ تنهنجي مدد ڪندس.“

1.تواريخ 15:29

جيئن ئي خداوند جي عهد واري صندوق دائود جي شهر ۾ داخل ٿي، تيئن ئي سائول جي ڌيءَ ميڪل دريءَ مان ٻاهر نهاريو ۽ جڏهن دائود بادشاهہ کي نچندو ٽپندو ڏٺائين تڏهن سندس دل ۾ هن لاءِ حقارت ٿيڻ لڳي.