2.سموئيل 2:9 - Muslim Sindhi Bible

⁹ اتي جِلعاد، آشر، يزرعيل، افرائيم ۽ بنيامين جي علائقن بلڪ بني اسرائيل جي ڏهن قبيلن جي باقي علائقن جي مٿان کيس بادشاهہ بڻايائين.

Sindhi Bible

⁹ ۽ انهيءَ کي جلعاد، ۽ آشرين، ۽ يزرعيل، ۽ افرائيم، ۽ بنيمين، ۽ سڄي اسرائيل تي بادشاهہ ڪيائين

2.سموئيل 2:9 Iomraidhean Croise

پيدائش 30:13

تڏهن لياہ چيو تہ ”آءٌ ڀلي ڀاڳ واري آهيان. هاڻ عورتون مون کي ڀلي ڀاڳ واري ڪري ڪوٺينديون.“ سو انهيءَ جو نالو آشر رکيائين.

2.سموئيل 2:10

سائول جي پٽ اشبوست کي جڏهن بادشاهہ بڻايو ويو، تڏهن سندس عمر چاليهہ سال هئي ۽ هن ٻہ سال بادشاهي ڪئي. پر يهوداہ جي قبيلي دائود جي پيروي ڪئي.

2.سموئيل 3:6

جڏهن سائول جي پٽ اشبوست ۽ دائود جي وچ ۾ جنگيون هلي رهيون هيون، تڏهن سائول جي گھراڻي جي لشڪر ۾ ابنير جو اثر وڌندو ويو.

1.تواريخ 12:29

سائول جي قبيلي بني بنيامين جا ٽي هزار، جيتوڻيڪ ان وقت تائين بني بنيامين قبيلي جا گھڻا ماڻهو سائول جا وفادار هئا،

1.تواريخ 12:30

بني افرائيم جا ويهہ هزار اٺ سؤ، جيڪي پنهنجي گھراڻي ۾ ناليوارا هئا،

زبور 108:8

جِلعاد جو علائقو منهنجو آهي ۽ منسي بہ منهنجو آهي، افرائيم منهنجو لوهي ٽوپ آهي، ۽ يهوداہ منهنجي شاهي لٺ آهي.

يشوع 16:5

افرائيم قبيلي جي سندن گھراڻن موجب علائقو هي هو: هنن جي سرحد اوڀر طرف عطارات ادار کان وٺي مٿئين بيت‌حورون تائين ويئي

يشوع 16:8

اها سرحد تفوح کان اولهہ ڏانهن قاناہ جي برساتي نهر تائين ويئي ۽ ڀونوچ سمنڊ تي وڃي ختم ٿي. اهو آهي افرائيم قبيلي جو سندن گھراڻن موجب ورثو.

يشوع 16:9

انهيءَ کان علاوہ ڪجھہ شهر ۽ ڳوٺ جيڪي منسي قبيلي جي حدن اندر هئا، سي پڻ افرائيم قبيلي کي ڏنا ويا.

يشوع 17:1

يوسف جي پهريتي پٽ منسيءَ جي قبيلي کي سندس باقي رهيل ورثو ڏنو ويو. جيئن تہ منسيءَ جو پهريتو پٽ مڪير جيڪو جِلعاد جو پيءُ هو تنهن جي قبيلي کي اردن درياءَ جي اوڀر طرف جِلعاد ۽ بسن وارا علائقا ملي چڪا هئا، ڇاڪاڻ تہ هو جنگي جوڌا هئا،

يشوع 18:11

بني بنيامين جي قبيلي جو ڪُڻو سندن گھراڻن موجب هن حصي تي پيو، جيڪو علائقو کين بني يهوداہ ۽ بني يوسف جي قبيلن جي وچ ۾ مليو.

يشوع 18:20

انهيءَ حصي جي اوڀر واري سرحد اردن درياءُ هئي. بنيامين جي گھراڻن جي ميراث جون چئني پاسن کان حدون اهي ئي هيون.

يشوع 19:18

سندن سرحد اندر هي شهر هئا: يزرعيل، ڪسولوت، شونيم،

يشوع 22:9

تڏهن بني روبن، بني جد ۽ بني منسيءَ جي اڌ قبيلي وارا پنهنجن گھرن ڏانهن موٽيا. ٻين بني اسرائيل وارن کي ڪنعان ملڪ جي سيلا شهر ۾ ڇڏي هو پنهنجي ملڪ جِلعاد ڏانهن روانا ٿيا، جيڪو خداوند جي حڪم موجب موسيٰ جي معرفت کين ملڪيت ٿي مليو هو.

قاضين 1:32

بني آشر اتي جي رهندڙ ڪنعانين سان گڏ رهندا آيا، ڇو تہ هنن کين هڪالي ڪونہ ڪڍيو.

1.سموئيل 29:1

فلستين پنهنجا سمورا لشڪر آڻي افيق شهر وٽ گڏ ڪيا، جڏهن تہ بني اسرائيل پنهنجا خيما يزرعيل جي ماٿريءَ ۾ چشمي وٽ کوڙيا هئا.