2.سموئيل 13:1 - Muslim Sindhi Bible

¹ دائود جي پٽ ابي‌سلوم کي هڪڙي خوبصورت ڀيڻ هئي، جنهن جو نالو تمر هو. ڪجھہ عرصي گذرڻ بعد هيئن ٿيو جو دائود جي ٻئي پٽ امنون جي پنهنجي انهيءَ ماٽيلي ڀيڻ سان عشق ٿي ويو.

Sindhi Bible

¹ ۽ انهي کان پوءِ هيئن ٿيو تہ دائود جي پٽ ابي سلوم جي هڪڙي خوبصورت ڀيڻ هئي، جنهن جو نالو تمر هو؛ ۽ دائود جي پٽ امنون جي انهيءَ سان محبت هوندي هئي.

2.سموئيل 13:1 Iomraidhean Croise

پيدائش 29:18

يعقوب جي دل راخل سان هئي، تنهنڪري چيائين تہ ”جيڪڏهن پنهنجي ننڍي ڌيءَ راخل کي مون سان پرڻائيندين تہ آءٌ ست سال تو وٽ ڪم ڪندس.“

پيدائش 29:20

راخل کي حاصل ڪرڻ لاءِ يعقوب ست سال ڪم ڪيو. ست سال کيس ٿورن ڏينهن جيترا لڳا، ڇو تہ راخل سان سندس دل تمام گھڻي هئي.

پيدائش 34:3

هن جي دل يعقوب جي ڌيءَ ديناہ سان لڳي ويئي. هو کيس پيار ڪرڻ لڳو ۽ ساڻس مٺيون مٺيون ڳالهيون ڪيائين.

پيدائش 6:2

تڏهن آسماني مخلوق ڏٺو تہ ماڻهن جون ڇوڪريون سهڻيون آهن. سو انهن مان جيڪا جنهن کي وڻي سا هن پنهنجي زال ڪئي.

2.سموئيل 11:2

هڪڙي ڏينهن شام جو دائود جڏهن پنهنجي پلنگ تان اُٿي شاهي محل جي ڇت تي ٽهلڻ لڳو، تہ ڇت تان هن هڪڙيءَ عورت کي وهنجندي ڏٺو. اها عورت ڏاڍي خوبصورت هئي.

2.سموئيل 13:15

انهيءَ کان پوءِ امنون کي تمر کان تمام گھڻي نفرت پيدا ٿي. کيس جيترو اڳي هن سان عشق هئس، تنهن کان وڌيڪ ساڻس نفرت پيدا ٿيس. سو امنون چيس تہ ”اُٿ ۽ هلي وڃ.“

2.سموئيل 13:2

امنون تمر جي ڪري اهڙو تہ بيقرار رهڻ لڳو، جو هو بيمار ٿي پيو، ڇاڪاڻ تہ جيئن تہ هوءَ ڪنواري هئي سو امنون کي وٽس پهچي ساڻس ڪجھہ ڪرڻ مشڪل ٿي نظر آيو.

2.سموئيل 14:27

ابي‌سلوم کي ٽي پٽ ڄاوا ۽ هڪڙي ڌيءَ. سندس ڌيءَ جو نالو تمر هو، جيڪا تمام خوبصورت عورت هئي.

1.بادشاهَہ 11:1

بادشاهہ سليمان فرعون جي ڌيءَ کان سواءِ ٻين بہ گھڻين ڌارين عورتن سان پيار ڪندو هو جن ۾ موآبي، عموني، ادومي، صيداني ۽ حتي عورتون شامل هيون.

1.تواريخ 3:2

ٽيون ابي‌سلوم جيڪو کيس جسُور جي بادشاهہ تلميءَ جي ڌيءَ معڪہ مان ڄائو. چوٿون، ادونياہ جيڪو کيس حجيت مان ڄائو.

1.تواريخ 3:9

انهن کان علاوہ دائود کي سندس سريتن مان بہ پٽ ڄاوا. کيس تمر نالي هڪڙي ڌيءَ بہ هئي.

چوڻيون 31:30

سونهن ۽ مِٺو ڳالهائڻ بي‌بقا ۽ ٺڳيندڙ آهن، پر جيڪا عورت خداوند کان ڊڄي ٿي، تنهن جي تعريف ڪئي وڃي،

چوڻيون 6:25

تہ جيئن اوهين اهڙين عورتن جي حسن تي موهت نہ ٿي پئو. هائو، اوهين انهن جي نيڻن جا اسير نہ بڻجي وڃو.