1.سموئيل 9:3 - Muslim Sindhi Bible

³ هڪ ڏينهن سائول جي پيءُ قيس جا ڪجھہ گڏهہ گم ٿي ويا. سو قيس پنهنجي پٽ سائول کي چيو تہ ”اُٿ، هڪڙو نوڪر پاڻ سان وٺي وڃي گڏهہ ڳولِ.“

Sindhi Bible

³ ۽ سائول جي پيءُ قيس جا گڏهہ گم ٿي ويا، ۽ قيس پنهنجي پٽ سائول کي چيو تہ اُٿ هڪڙو نوڪر پاڻ سان وٺي وڃي گڏهہ ڳولهہ.

1.سموئيل 9:3 Iomraidhean Croise

قاضين 10:4

يائير کي ٽيهہ پٽ هئا ۽ انهن سڀني کي سواريءَ لاءِ پنهنجو پنهنجو گڏهہ هو. انهن کي جِلعاد علائقي ۾ ٽيهہ شهر هئا جيڪي اڄ ڏينهن تائين يائير جا ڳوٺ سڏبا آهن.

قاضين 5:10

اي اڇن گڏهن تي قيمتي گدن مٿان سواري ڪرڻ وارؤ! ۽ رستي تي پنڌ هلڻ وارؤ! اوهين سڀيئي انهيءَ جو ذڪر ڪريو.

1.سموئيل 10:14

جڏهن سائول جي چاچي سائول ۽ سندس نوڪر کي ايندي ڏٺو، تڏهن کانئن پڇيائين تہ ”اوهين ڪيڏانهن ويا هئا؟“ هنن وراڻيس تہ ”گڏهہ ڳولڻ. پر جڏهن اهي اسان کان نہ لڌا تڏهن اسين سموئيل وٽ وياسين.“

1.سموئيل 10:2

اڄ جڏهن تون مون کان موڪلائي روانو ٿيندين تڏهن بنيامين جي سرحد اندر ضلضحہ شهر ۾ راخل جي قبر وٽ تو کي ٻہ ماڻهو ملندا. اهي تو کي چوندا تہ جن گڏهن کي تون ڳولڻ ويو هئين سي لڌا آهن. سو تنهنجو پيءُ هاڻي گڏهن جي ڳڻتي ڇڏي تنهنجي ڳڻتيءَ ۾ آهي. هو چوندو رهي ٿو تہ ’آءٌ پنهنجي پٽ لاءِ ڇا ڪريان؟‘

1.سموئيل 9:2

کيس هڪڙو جوان ۽ خوبصورت پٽ هو، جنهن جو نالو سائول هو. بني اسرائيل ۾ انهيءَ کان وڌيڪ ٻيو ڪوبہ پُرڪشش ماڻهو ڪونہ هو. هو ايترو تہ ڊگھو هو جو ٻيا ماڻهو سندس ڪلهن تائين پهچندا هئا.

1.سموئيل 9:4

تڏهن اهي افرائيم جي ڪوهستان مان ٿيندا سليسہ جي علائقي مان لنگھيا، پر گڏهہ نہ لڌائون. پوءِ هو سعليم جي علائقي مان لنگھيا، پر اتي بہ گڏهہ نہ ملين. تنهن کان پوءِ هو بنيامين جي علائقي مان لنگھيا، اتي بہ گڏهہ ڪونہ لڌن.