1.سموئيل 8:11 - Muslim Sindhi Bible

¹¹ هن کين ٻڌايو تہ ”جيڪو بادشاهہ اوهان تي حڪمراني ڪندو، سو هن قسم جو هوندو جو هو اوهان جي اولاد مان ڪن کي پنهنجي لشڪر جي جنگي گھوڙي گاڏين لاءِ، ڪن کي گھوڙن لاءِ نوڪر ڪري رکندو ۽ ڪي سندس گھوڙي گاڏين جي اڳيان ڊوڙندا هلندا.

Sindhi Bible

¹¹ ۽ چيائين تہ جيڪو بادشاهہ اوهان تي حڪم هلائيندو سو هن قسم جو هوندو: اُهو اوهانجن پٽن کي وٺي پنهنجين گاڏين جي لاءِ پاڻ وٽ مقرر ڪندو، ۽ پنهنجن گهوڙن جي خدمت ڪرائيندو؛ ۽ ڪي سندس گاڏين جي اڳيان ڊوڙندا:

1.سموئيل 8:11 Iomraidhean Croise

2.سموئيل 15:1

انهيءَ کان پوءِ ابي‌سلوم پنهنجي لاءِ گاڏي، گھوڙا ۽ پنجاهہ ماڻهو تيار ڪيا، جيڪي سندس اڳيان اڳيان ڊوڙندا هلن.

1.بادشاهَہ 1:5

ابي‌سلوم جي موت کان پوءِ ادونياہ جيڪو دائود کي حجيت نالي زال مان ڄاول پٽ هو ۽ ٻين سڀني پٽن کان وڏو هو، سو ڳاٽ مٿي ڪري چوڻ لڳو تہ ”آءٌ بادشاهہ ٿيندس.“ هن پنهنجي لاءِ گھوڙي گاڏيون، سوار ۽ پنهنجي اڳيان ڊوڙندا هلڻ لاءِ پنجاهہ محافظ بہ تيار ڪيا. هو خوبصورت بہ تمام گھڻو هو ۽ سندس پيءُ هن کي ڄمڻ کان وٺي ڪڏهن ائين چئي بہ نہ رنجايو هو تہ هن هيئن ڪي هونئن ڇو ڪيو آهي.

1.بادشاهَہ 10:26

سليمان جنگي گھوڙي گاڏيون ۽ گھوڙي سوار گڏ ڪرايا. وٽس هڪ هزار چار سؤ جنگي گھوڙي گاڏيون ۽ ٻارهن هزار گھوڙي سوار هئا، جيڪي هن مختلف شهرن ۾ ۽ ڪجھہ پاڻ وٽ يروشلم ۾ رهايا هئا.

1.بادشاهَہ 12:10

نوجوان کيس چيو تہ ”اهي ماڻهو جن اوهان کي چيو آهي تہ ’اوهان جي پيءُ ڳري پاڃاري اسان تي رکي هئي سا توهين اسان تان هلڪي ڪريو،‘ تن کي توهين چئو تہ ’منهنجي چيچ منهنجي پيءُ جي چيلهہ کان ٿلهي آهي.

1.بادشاهَہ 12:4

”توهان جي پيءُ اسان سان سخت سلوڪ ڪيو هو ۽ اسان تي ڳري پاڃاري رکيائين. جيڪڏهن توهان اهي ڳرا ٻوجھہ هلڪا ڪندا تہ اسين توهان جي خدمت ڪندا رهنداسين.“

1.بادشاهَہ 14:27

تڏهن بادشاهہ رحبعام انهن جي بدران پتل جون ڍالون ٺهرايون ۽ جيڪي سپاهي سندس شاهي محل تي پهرو ڏيندا هئا تن جي سالارن کي اهي ڏيئي ڇڏيائين.

1.بادشاهَہ 18:46

خداوند جو هٿ الياس نبيءَ تي هو. سو هن چادر سان پنهنجو سندرو ٻڌو ۽ يزرعيل شهر تائين اخي‌اب جي گاڏيءَ اڳيان ڊوڙندو ويو.

1.سموئيل 10:25

پوءِ سموئيل ماڻهن کي بادشاهت جا قاعدا قانون بيان ڪري ٻڌايا ۽ اهي هڪڙي ڪتاب ۾ لکي ڇڏيائين. اهو ڪتاب هن خداوند جي مقدس خيمي ۾ رکي ڇڏيو. پوءِ سڀيئي ماڻهو پنهنجن پنهنجن گھرن ڏانهن هليا ويا.

1.سموئيل 14:52

سائول جي سڄي عمر فلستين سان سخت جنگيون ڪندي گذري. هو جڏهن بہ ڪنهن زورآور يا بهادر شخص کي ڏسندو هو تہ انهيءَ کي آڻي پاڻ وٽ مقرر ڪندو هو.

1.سموئيل 22:7

پوءِ سائول پنهنجي آس‌پاس بيٺل سالارن کي چيو تہ ”اي بنيامينيؤ! ٻڌو، ڇا يسيءَ جو پٽ دائود اوهان سڀني کي ٻنيون ۽ انگورن جا باغ ڏيندو؟ ڇا هو اوهان سڀني کي پنهنجي فوج ۾ هزارن ۽ سون جو سالار مقرر ڪندو؟

1.سموئيل 8:9

تنهنڪري هاڻي تون انهن جي ڳالهہ مڃ، پر هنن کي پوريءَ طرح خبردار ڪري ڇڏ ۽ کين ٻڌائي ڇڏ تہ ڪهڙي قسم جو بادشاهہ هنن تي حڪومت هلائيندو.“