1.سموئيل 3:3 - Muslim Sindhi Bible

³ خداوند جو مقدس خيمو، جتي خدا جي عهد واري صندوق رکيل هئي، تنهن ۾ سموئيل پڻ ستو پيو هو. اڃا خدا جو ڏيئو وسايو ئي نہ ويو هو،

Sindhi Bible

³ ۽ خداوند جو ڏيئو اڃا گل نہ ٿيو هو، ۽ سموئيل خداوند جي هيڪل، جتي خدا جي صندوق هئي، تنهن ۾ سمهيو پيو هو،

1.سموئيل 3:3 Iomraidhean Croise

2.تواريخ 13:11

اهي روزانو صبح جو ۽ شام جو خداوند جي لاءِ ساڙڻ واريون قربانيون پيش ڪندا آهن ۽ لوبان ساڙيندا آهن. هو نذراني وارا روٽ بہ نج سون جي پٽ چڙهيل ميز تي ٺاهي سنواري رکندا آهن ۽ سوني شمعدان ۾ رکيل ڏيئا هر روز شام جو ٻاريندا آهن. اسين خداوند پنهنجي خدا جي حڪمن تي قائم آهيون، پر اوهان هن کي ڇڏي ڏنو آهي.

زبور 27:4

آءٌ خداوند کي رڳو هڪڙو عرض ٿو ڪريان، جيڪو آءٌ چاهيندو ٿو رهان. منهنجو عرض اهو آهي تہ سڄي ڄمار آءٌ سندس گھر ۾ رهان، انهيءَ لاءِ تہ آءٌ خداوند جو جمال پسان، ۽ سندس هيڪل ۾ سندس ئي طلب ۾ رهان.

زبور 29:9

خداوند جو آواز اهڙو آهي، جو اهو شاهہ‌بلوط وڻن کي مروٽيو ڇڏي. هو ٻيلن جا وڻ بہ پنن کان ٻُٽا ٿو ڪري ڇڏي. هن جي هيڪل ۾ هر ڪو واکاڻيندي چوي ٿو تہ ”خداوند عظيم آهي! خداوند عظيم آهي!“

زبور 5:7

پر تنهنجي دائمي شفقت جي ڪري آءٌ تنهنجي گھر ۾ داخل ٿيندس. آءٌ تنهنجي تعظيم ڪندي تنهنجي مقدس هيڪل ڏانهن منهن ڪري سجدو ڪندس.

خروج 25:31

”تون نج سون کي گھڙائي هڪڙو شمعدان ٺهرائج، جيڪو تري، شاخن، ڏياٽين، بونبن ۽ گلن سميت هڪڙي ئي ٽڪر مان ٺهيل هجي.

1.سموئيل 1:6

حنہ جي پهاڄ فننہ کيس ستائڻ لاءِ ڏاڍو چيڙائيندي هئي، جو خداوند کيس سنڍ ڪيو هو.

1.سموئيل 1:9

هڪڙي ڏينهن سيلا شهر ۾ جڏهن هنن کائي پي بس ڪئي، تڏهن حنہ اُٿي ۽ خداوند جي حضور ۾ وڃي بيٺي. ان وقت عيلي ڪاهن خداوند جي مقدس خيمي جي دروازي وٽ ڪرسيءَ تي ويٺو هو.