1.سموئيل 14:1 - Muslim Sindhi Bible

¹ سو هڪڙي ڏينهن سائول جي پٽ يونتن پنهنجي پيءُ کي ٻڌائڻ کان سواءِ پنهنجي هٿياربردار جوان کي چيو تہ ”اچ تہ هُن پار فلستين جي پهريدارن ڏانهن هلون.“

Sindhi Bible

¹ هاڻي هڪڙي ڏينهن هيئن ٿيو تہ سائول جي پٽ يونتن پنهنجي زرهہ بردار جوان کي چيو تہ اچ تہ هن پاسي فلستين جي قلعي واري فوج ڏي هلون. پر اها ڳالهہ هن پنهنجي پيءُ کي نہ ٻڌائي.

1.سموئيل 14:1 Iomraidhean Croise

ميڪاہ 7:5

سو اي بني اسرائيل! اوهين ڪنهن تي بہ اعتبار نہ ڪريو، توڙي جو اهو اوهان جو بهترين دوست ئي ڇو نہ هجي. اوهين هر ڳالهہ بيحد احتياط سان ڪريو، توڙي جو پنهنجي پياري زال سان ئي ڇو نہ ڳالهايو.

قاضين 14:6

تڏهن خداوند جو روح هن تي طاقت ساڻ نازل ٿيو ۽ خالي هٿين هوندي بہ هن انهيءَ شينهن کي ائين چيڙي ڦاڙي وڌو جيئن ڪنهن ڇيلي کي چيڙيو ڦاڙيو ويندو آهي. پر هن جيڪي ڪجھہ ڪيو سو نہ پنهنجي پيءُ کي ٻڌايائين، نڪي پنهنجي ماءُ کي.

قاضين 14:9

هن اها پنهنجي هٿن ۾ کنئي ۽ کائيندو اڳتي هليو. جڏهن پنهنجي ماءُ پيءُ وٽ پهتو، تڏهن انهن کي پڻ ڏنائين ۽ انهن بہ اها کاڌي. پر انهن کي اهو نہ ٻڌايائين تہ اها ماکي شينهن جي لاش مان ڪڍي هئائين.

قاضين 6:27

سو جِدعون پنهنجي نوڪرن مان ڏهہ ڄڻا وٺي ائين ئي ڪيو جيئن خداوند فرمايو هئس. پر جيئن تہ هو پنهنجي ڪٽنب ۽ شهر جي ماڻهن کان ڏينهن ڏٺي جو ائين ڪرڻ کان ڊنو ٿي، تنهنڪري رات جو ائين ڪيائين.

1.سموئيل 13:2

سائول بني اسرائيل مان ٽي هزار ماڻهو پنهنجي لاءِ چونڊيا، جن مان ٻہ هزار ماڻهو مڪماس ۽ بيت‌ايل جي جابلو علائقي ۾ ساڻس گڏ هئا ۽ هڪ هزار ماڻهو سندس پٽ يونتن سان گڏ بنيامين قبيلي جي علائقي ۾ جِبعت شهر ۾ هئا. باقي ٻين ماڻهن کي هن پنهنجن پنهنجن گھرن ڏانهن موڪلي ڇڏيو.

1.سموئيل 13:22

تنهنڪري جنگ واري ڏينهن سائول ۽ سندس پٽ يونتن کان سواءِ ٻيا جيڪي بہ ماڻهو ساڻن هئا، تن مان ڪنهن کي بہ تلوار يا ڀالو هٿ ۾ ڪين هو.

1.سموئيل 13:23

هوڏانهن فلستين پنهنجي سپاهين جي هڪڙي ٽولي مڪماس جي لڪ جي حفاظت لاءِ رواني ڪئي.

1.سموئيل 14:2

جڏهن تہ سائول جِبعت جي سرحد تي مجرون ۾ هڪڙي ڏاڙهونءَ جي وڻ هيٺان رهيو پيو هو. ساڻس گڏ اٽڪل ڇهہ سؤ ماڻهو هئا.

1.سموئيل 25:19

پوءِ هن پنهنجي نوڪرن کي چيو تہ ”اوهين منهنجي اڳيان هلو، آءٌ اوهان جي پٺيان ٿي هلان.“ انهيءَ بابت هن پنهنجي مڙس نابال کي ڪجھہ بہ نہ ٻڌايو.