Whakakitenga 5:9 - Te Kawenata Hou

⁹ Nā, ka waiata rātou i te waiata hou, ka mea: “Pai tonu koe hei tango i te puka­puka, hei wāhi i ōna hīri; i whaka­matea hoki koe, ā, hokona ana mātou e koe hei hunga mā te Atua ki ōu toto, i roto i ngā hapū, i ngā reo, i ngā hui­hui­nga tāngata, i ngā iwi katoa.

Paipera Tapu 2012

⁹ Nā, ka waiata rātou i te waiata hou, ka mea: “Pai tonu koe hei tango i te pukapuka, hei wāhi i ōna hīri; i whakamatea hoki koe, ā, hokona ana mātou e koe hei hunga mā te Atua ki ōu toto, i roto i ngā hapū, i ngā reo, i ngā huihuinga tāngata, i ngā iwi katoa;

Te Paipera Tapu 1952

⁹ Na ka waiata ratou i te waiata hou, ka mea, Pai tonu koe hei tango i te pukapuka, hei wahi i ona hiri: i whakamatea hoki koe, a hokona ana matou e koe hei hunga ma te Atua ki ou toto, i roto i nga hapu, i nga reo, i nga huihuinga tangata, i nga i wi katoa;

Whakakitenga 5:9 Iomraidhean Croise

1 Hoani 1:7

Ki te haere ia tātou i te mārama, me ia hoki e noho nei i te mārama, nā, ka whaka­hoa tātou tētahi ki tētahi, e horoia ana anō ō tātou hara katoa e ngā toto o tāna Tama, o Īhu Karaiti.

Matiu 26:28

Ko ōku toto hoki ēnei, ko o te kawenata hou, e whakahekea ana mō te tini, hei murunga hara.

Whakakitenga 14:6

I kite anō ahau i tētahi atu ana­hera e rere ana i waenga­nui o te rangi, kei a ia te rongo­pai mau tonu hei kauwhau māna ki te hunga e noho ana i te whenua, ki ngā iwi katoa, ki ngā hapū, ki ngā reo, ki ngā hui­hui­nga tāngata.

1 Koriniti 6:20

Kua oti hoki koutou te hoko ki te utu; whaka­korōria­tia te Atua ki ō koutou tinana.

Whakakitenga 5:12

nui atu tō rātou reo ki te mea mai: “Pai tonu te Reme i whaka­matea hei tango i te kaha, i te taonga, i te mātau­ranga, i te mana, i te hōnore, i te korōria, i te whaka­pai!”

Whakakitenga 4:11

“Tika tonu, e te Ariki, kia riro i a koe te korōria, me te hōnore, me te kaha. Nāu hoki i hanga ngā mea katoa, ā, nāu i pai i takoto ai aua mea, i hangā ai.”

Ngā Mahi 20:28

Nā, kia tūpato ki a koutou, ki te kāhui katoa anō i meinga ai koutou e te Wairua Tapu hei kai­tiro­tiro, whāngaia te hāhi a te Atua i hokona nei e ia ki ōna ake toto.

Matiu 20:28

pērā i te Tama a te tangata, kīhai nei i haere mai kia mahia he mea māna, engari, kia mahi ia, ā, kia tuku i a ia kia mate hei whakautu mō ngā tāngata tokomaha.”

Whakakitenga 5:6

Ā, i kite anō ahau, nā, i waenga­nui o te torōna, o ngā mea ora hoki e whā, i waenga­nui anō hoki o ngā kaumātua, he Reme e tū ana, te āhua kei tō te mea i whaka­matea, e whitu ōna haona, e whitu ngā kanohi; ko ngā wairua e whitu ēnei o te Atua, kua tonoa nei puta noa i te ao.

Taituha 2:14

I tuku nei i a ia mō tātou, hei hoko i a tātou i roto i ngā kino katoa, hei horoi hoki i a tātou hei iwi māna ake, e ngākau nui ana ki ngā mahi pai.

2 Pita 2:1

Otirā, i ara ake anō he poro­piti teka i mua i roto i te iwi, he pērā me ngā kai­whaka­ako teka e puta ake ā mua i roto i a koutou; mā ēnei e mau puku mai ngā tītore­hanga whaka­ngaro. He whaka­kāhore nā rātou i te Ariki rawa, nāna nei rātou i hoko, ka hohoro tonu tā rātou taki mai i te whaka­ngaro­manga ki a rātou anō.

Korohe 1:14

Kei roto nei i a ia tō tātou whaka­ora­nga i runga i ōna toto, arā te muru­nga o ngā hara.

Epeha 1:7

Kei roto nei i a ia tō tātou whaka­ora­nga i runga i ōna toto, arā te muru­nga o ngā hē; he hua hoki nō tōna aroha noa,

1 Hoani 2:2

Ko ia anō te whaka­mārie mō ō tātou hara; ehara i te mea mō ō tātou anake, engari mō ō te ao katoa.

1 Koriniti 7:23

Kua oti koutou te hoko ki te utu; aua e meinga hei pono­nga koutou mā te tangata.

Whakakitenga 13:8

Ā, ko te hunga katoa e noho ana i te whenua, ka koro­piko ki a ia, ngā tāngata katoa kāhore nei ō rātou ingoa i tuhi­tuhia ki te puka­puka ora a te Reme, nō te tīma­tanga iho rā anō o te ao tōna whaka­mate­nga.

Whakakitenga 11:9

Ā, e toru ngā rā me te hāwhe e tiro­hia ai ō rāua tinana e ngā hui­hui­nga tāngata, e ngā hapū, e ngā reo, e ngā iwi, e kore anō hoki e tukua ō rāua tinana kia hoatu ki te urupā.

Hiperu 11:14

Ko te hunga hoki he pēnei ā rātou kōrero, e whaka­kite pū ana rātou he whenua tupu tā rātou e rapu nei.

Korohe 1:23

ki te pūmau koutou ki te whaka­pono, ū tonu, mau tonu, tē taea te whaka­neke atu i te tū­mana­ko ki tā te rongo­pai i rongo ai koutou, kua kauwhau­tia atu nei ki ngā mea hanga katoa i raro o te rangi. Mō reira nei ahau, a Paora, i meinga ai hei minita.

Epeha 5:19

ko tā koutou kōrero ki a koutou anō, hei te waiata tapu, hei te hīmene, hei te waiata wairua; waiata, hīmene atu, i roto i ō koutou ngākau ki te Ariki;

Whakakitenga 10:11

Ā, ka mea mai rātou ki ahau, “Me poro­piti anō koe mō ngā hui­hui­nga toko­maha o ngā tāngata, o ngā iwi, o ngā reo, o ngā kīngi.”

Whakakitenga 13:7

I tukua anō ki a ia kia whawhai ki te hunga tapu, kia taea hoki rātou e ia. I hoatu anō ki a ia he mana ki ngā hapū katoa, ki ngā reo, ki ngā iwi.

Whakakitenga 15:3

Kei te waiata hoki rātou i te waiata a Mohi, pono­nga a te Atua, me te waiata anō a te Reme; i mea rātou: “He nui āu mahi, e mīharo­tia ana, e te Ariki, e te Atua Kaha Rawa! Tika tonu ōu ara, pono tonu, e te Kīngi o ngā whaka­tupu­ranga!

Whakakitenga 17:15

I mea mai anō ia ki ahau, “Ko ngā wai i kitea e koe i te nohoa­nga o te wahine kairau rā, ko ngā hui­hui­nga tāngata rātou, ko ngā mano, ko ngā iwi, ko ngā reo.