Whakakitenga 3:5 - Te Kawenata Hou

⁵ Ko te tangata i a ia te wiki­tōria, ka whaka­kākahu­ria ia ki te kākahu mā; e kore anō hoki e ūkuia e ahau tōna ingoa i te puka­puka o te ora, ā, ka whaka­ae­tia e ahau tōna ingoa ki te aro­aro o tōku Matua, ki te aro­aro anō hoki o āna ana­hera.

Paipera Tapu 2012

⁵ Ko te tangata i a ia te wikitōria, ka whakakākahuria ia ki te kākahu mā; e kore anō hoki e ūkuia e ahau tōna ingoa i te pukapuka o te ora, ā, ka whakaaetia e ahau tōna ingoa ki te aroaro o tōku Matua, ki te aroaro anō hoki o āna anahera.

Te Paipera Tapu 1952

⁵ Ko te tangata i a ia te wikitoria, ka whakakakahuria ia ki te kakahu ma; e kore ano hoki e ukuia e ahau tona ingoa i te pukapuka o te ora, a ka whakaaetia e ahau tona ingoa ki te aroaro o toku Matua, ki te aroaro ano hoki o ana anahera.

Whakakitenga 3:5 Iomraidhean Croise

Matiu 10:32

“Nā, ki te whakaae tētahi ki ahau i te aroaro o ngā tāngata, ka whakaaetia ia e ahau i te aroaro o tōku Matua i te rangi.

Ruka 10:20

Otirā, kaua e hari ki tēnei, ki ngā wairua ka riro nei ki raro i a koutou; ko tā koutou ia e tino hari ai, ko ō koutou ingoa kua oti te tuhi­tuhi ki te rangi!”

Ruka 12:8

“Ko tāku kupu tēnei ki a koutou, ki te whaka­ae tētahi ki ahau i te aro­aro o ngā tāngata, ka whaka­ae­tia anō ia e te Tama a te tangata i te aro­aro o ngā ana­hera a te Atua.

Piripai 4:3

Nā, he tohe tēnei nāku ki a koe, e tōku hoa pono ki te mahi, ko koe hei whaka­māmā i aua wāhine, he hunga rāua i uru tahi me ahau ki te tohe ki ngā mea o te rongo­pai, me Keremeneta anō, me ērā atu hoki o ōku hoa mahi, kei roto nei i te puka­puka o te ora ō rātou ingoa.

Hūrā 1:24

Nā, ki te mea kaha ki te tiaki i a koutou kei hinga, ki te whaka­tū hoki i a koutou ki te aro­aro o tōna korōria, he mea koha­kore i runga i te hari whaka­hara­hara,

Whakakitenga 13:8

Ā, ko te hunga katoa e noho ana i te whenua, ka koro­piko ki a ia, ngā tāngata katoa kāhore nei ō rātou ingoa i tuhi­tuhia ki te puka­puka ora a te Reme, nō te tīma­tanga iho rā anō o te ao tōna whaka­mate­nga.

Whakakitenga 17:8

Ko te kararehe i kite rā koe, i mua ia, kāhore hoki ināia­nei. Ka puta ake anō hoki ia ā mua i roto i te poka tōrere, ā, ka riro atu ki te whaka­ngaro­manga. Nā, ko te hunga e noho ana ki te whenua, kāhore nei ō rātou ingoa i tuhi­tuhia ki te puka­puka o te ora o te oroko­hanga­nga rā anō o te ao, ka mīharo rātou ina kite i te kararehe i ora i mua, ā, kāhore nei ināia­nei, ā tēnei ake ka puta.

Whakakitenga 19:8

I tukua hoki ki a ia kia whaka­kākahu­ria ia ki te rīnena pai, ki te rīnena kanapa, paru­kore.” (Nā, ko te rīnena pai rā, ko ngā mahi tika a te hunga tapu.)

Whakakitenga 2:11

“Ko te tangata he tari­nga tōna, kia rongo ia ki tā te Wairua e mea nei ki ngā hāhi. “Ko te tangata i a ia te wiki­tōria, e kore ia e hē i te mate­nga tuarua.”

Whakakitenga 2:7

“Ko te tangata he tari­nga tōna, kia rongo ia ki tā te Wairua e mea nei ki ngā hāhi. “Ko te tangata i a ia te wiki­tōria, ka hoatu e ahau māna e kai tō te rākau o te ora, e tū ana i waenga­nui o te Pararaiha o te Atua.”

Whakakitenga 20:12

I kite anō ahau i te hunga mate, i te hunga nunui, i te hunga ririki, e tū ana i mua o te torōna. Nā, kua whaka­tuwhera­tia ngā puka­puka; kua whaka­tuwhera­tia anō hoki tētahi atu puka­puka, ko te puka­puka o te ora. Kei ngā mea hoki i tuhi­tuhia ki aua puka­puka he whaka­wā mō te hunga mate, he mea whaka­rite tonu ki ā rātou mahi.

Whakakitenga 20:15

Ā, ki te kitea tētahi kīhai i tuhi­tuhia ki te puka­puka o te ora, i pangā ia ki te roto ahi.

Whakakitenga 21:27

E kore anō e tomo ki roto tētahi mea whaka­noa, te tangata rānei e mahi ana i te whaka­riha­riha, i te teka rānei. Ko te hunga anake kua oti te tuhi­tuhi ki tā te Reme puka­puka o te ora.

Whakakitenga 22:19

Ā, ki te tango­hia atu e tētahi he kupu i te puka­puka o tēnei poro­piti­tanga, ka tango­hia e te Atua tōna wāhi i roto i te puka­puka o te ora, i te pā tapu hoki, i ngā mea hoki kua oti te tuhi­tuhi ki tēnei puka­puka.

Whakakitenga 3:12

Ko te tangata i a ia te wiki­tōria, māku ia e mea hei pou i roto i te whare o tōku Atua, ā, e kore ia e haere atu i konā ki waho ā muri atu; māku hoki e tuhi­tuhi ki runga ki a ia te ingoa o tōku Atua, te ingoa hoki o te pā o tōku Atua, o Hiruhārama hou, ka heke iho nei i te rangi i tōku Atua, me tōku ingoa hou anō hoki.

Whakakitenga 3:4

Tēnā anō kei a koe ētahi ingoa ouou nei i Harariha; kāhore nei i poke ō rātou kākahu. Ka hāere­ere tahi ēnā me ahau, he mā ngā kākahu; nō te mea he pai rātou.

Whakakitenga 6:11

Ā, i hoatu he kākahu mā ki tēnei, ki tēnei o rātou; ā, i kīa atu ki a rātou, kia oki­oki rātou he wā iti nei, kia rite rā anō ō rātou hoa pono­nga me ō rātou tēina, i meinga nei kia patua, kia pērā­tia me rātou.