Whakakitenga 2:3 - Te Kawenata Hou

³ I whaka­manawa­nui koe, i mahi tonu, ahakoa pēhia, he whaka­aro ki tōku ingoa, kāhore hoki i hōhā.

Paipera Tapu 2012

³ I whakamanawanui koe, i mahi tonu, ahakoa pēhia, he whakaaro ki tōku ingoa, kāhore hoki i hōhā.

Te Paipera Tapu 1952

³ I whakamanawanui koe, i mahi tonu, ahakoa pehia, he whakaaro ki toku ingoa, kahore hoki i hoha.

Whakakitenga 2:3 Iomraidhean Croise

Māka 15:21

Nā, ka meinga e rātou tētahi tangata e tika ana nā reira, a Haimona o Hairini, i ahu mai i ngā whenua, ko te pāpā o Arēhanera rāua ko Rupuha, kia haere me rātou, kia riro ai māna e amo tōna rīpeka.

Ruka 14:27

Ki te kore tētahi e mau ki tōna rīpeka, e haere mai i muri i ahau, e kore ia e āhei hei ākonga māku.

Ruka 18:1

Nā, ka kōrero ia i tētahi kupu whaka­rite ki a rātou mō tēnei, kia īnoi rātou i ngā wā katoa, kia kaua e ngoi­kore.

Ruka 21:19

Mā te manawa­nui e mau ai ō koutou wairua.

Ruka 5:5

Nā, ka whaka­hoki a Haimona, ka mea ki a ia, “E kara, mahi noa mātou i te pō roa nei, tē mau tētahi; heoi, nāu nā te kupu me tuku e ahau te kupe­nga.”

Ruka 8:15

Ko tērā i te one­one pai, ko te hunga e tika ana, e pai ana te ngākau, i te rongo­nga i te kupu, ka pupuri, ā, hua ana ngā hua i runga i te manawa­nui.”

Hoani 15:21

Otirā, e meatia katoa­tia ēnei mea e rātou ki a koutou he whaka­aro ki tōku ingoa, nō te mea kāhore rātou i mōhio ki tōku kai­tono mai.

Rōma 12:12

kia hari i runga i te tū­mana­ko; kia manawa­nui ki te whaka­pāwera; kia ū ki te īnoi.

Rōma 16:12

Oha atu ki a Taraipine rāua ko Taraipoha, e mahi nei i roto i te Ariki. Oha atu ki a Perahi, e aroha­ina nei, he nui nei tāna mahi i roto i te Ariki.

Rōma 2:7

Ki te hunga e whai ana ki te korōria, ki te hōnore, ki te pirau­kore, me te mau anō ki te mahi pai, he ora tonu.

Rōma 8:25

Ki te tū­mana­ko atu ia tātou ki te mea kāhore nei e kitea, kātahi ka āta tāria mārire­tia atu e tātou.

1 Koriniti 13:7

e whaka­manawa­nui ana ki ngā mea katoa, e whaka­pono ana ki ngā mea katoa, e tū­mana­ko ana ki ngā mea katoa, e whaka­ririka kau ana ki ngā mea katoa.

1 Koriniti 16:16

kia ngohe­ngohe hoki koutou ki ngā tāngata pērā, ki te hunga katoa anō e mahi tahi ana, e uaua ana.

2 Koriniti 10:15

E kore hoki mātou e whaka­mana­mana ki kō atu i tō mātou mēhua, arā, ki ngā mahi a ētahi atu; engari e ū ana tō mātou whaka­aro, ka tupu haere tō koutou whaka­pono, ka ai koutou hei whaka­nui i a mātou, e tino rite rawa ai ki tō mātou rūri;

2 Koriniti 11:23

He minita rātou nā te Karaiti? He kōrero pōrangi tāku nei, tērā atu anō tōku; hira atu ōku māuiui­tanga, maha noa atu ōku mea­tanga ki roto ki ngā whare here­here, nui noa atu ōku whiu­nga, maha atu ōku mate.

2 Koriniti 4:1

Nā konei, i te mea kei a mātou tēnei mahi minita, i te mea ka tohu­ngia nei mātou, kāhore mātou e ngākau­kore.

2 Koriniti 4:16

Koia hoki tātou tē ngākau­kore ai; heoi, ahakoa haere iho tātou ki te pirau, arā tō waho tangata, e whaka­hou­tia ana anō tō roto i tēnei rā, i tēnei rā.

2 Koriniti 5:9

Koia hoki tātou ka whai nei, ahakoa i konei e noho ana, ahakoa e noho kē ana, kia āhua­reka­ina mai tātou e ia.

2 Koriniti 6:5

i ngā whiu­nga, i ngā here­here­tanga, i ngā nga­ngare­tanga, i ngā māuiui­tanga, i ngā mataara­tanga, i ngā nohoa­nga puku­tanga;

Karatia 6:2

Pīkaua e tētahi ngā whaka­tai­maha o tētahi, hei whaka­rite i tā te Karaiti ture.

Karatia 6:9

ā, kaua tātou e ngākau­kore ki te mahi i te pai. Tēnā tōna wā e rite ai ka kokoti tātou ki te kāhore tātou e ngoi­kore.

Piripai 2:16

kia mau pū ki te kupu o te ora; kia hari ai ahau ā te rā o te Karaiti, kīhai ahau i oma noa, kīhai i mahi noa.

Piripai 4:3

Nā, he tohe tēnei nāku ki a koe, e tōku hoa pono ki te mahi, ko koe hei whaka­māmā i aua wāhine, he hunga rāua i uru tahi me ahau ki te tohe ki ngā mea o te rongo­pai, me Keremeneta anō, me ērā atu hoki o ōku hoa mahi, kei roto nei i te puka­puka o te ora ō rātou ingoa.

Korohe 1:11

Kia whaka­nuia te kaha hei whaka­kaha mō koutou, kia rite ki tā te mana o tōna korōria, e ū tonu ai, e whaka­manawa­nui ai i runga i te hari.

1 Teharonika 1:3

mau tonu tō mātou mahara ki tā koutou mahi whaka­pono, ki te uaua o tō koutou aroha, ki te ū o te tū­mana­ko ki tō tātou Ariki, ki a Īhu Karaiti, i te aro­aro o te Atua, arā o tō tātou Matua.

1 Teharonika 2:9

E mahara ana hoki koutou, e ōku tēina, ki tā mātou mahi, ki tō mātou māuiui; mahi ana mātou i te pō, i te ao, kei tai­maha ki tētahi o koutou, kauwhau­tia ana hoki e mātou te rongo­pai o te Atua ki a koutou.

1 Teharonika 5:12

He mea ia tēnei nā mātou ki a koutou, e ōku tēina, kia mātau ki te hunga e mahi ana i roto i a koutou, e tohu­tohu ana i a koutou i roto i te Ariki, e whaka­tūpato ana i a koutou;

2 Teharonika 3:13

Ko koutou ia, e ōku tēina, kei ngākau­kore ki te mahi pai.

2 Teharonika 3:5

Mā te Ariki hoki e whaka­tika ō koutou ngākau ki te aroha o te Atua, ki te ngākau āta tatari o te Karaiti.

2 Teharonika 3:8

kīhai hoki mātou i kai noa i te taro i te ringa o tētahi tangata, engari i roto i te mahi nui, i te uaua, me te mahi tonu i te ao, i te pō, kei whaka­tai­maha­tia e mātou tētahi o koutou.

1 Timoti 4:10

Koia hoki mātou ka mahi, ka tohe, nō te mea kua whaka­mau tō mātou tū­mana­ko ki te Atua ora, ko ia nei te Kai­whaka­ora o ngā tāngata katoa, engari rawa ia o te hunga whaka­pono.

1 Timoti 5:17

Kia nui ake te hōnore mō ngā kaumātua e tohu­tohu pai ana; engari rawa ia mō te hunga ko tā rātou nei mahi ko te kupu, ko te whaka­ako.

Hiperu 10:36

Ko te mea hoki hei mate­nui­tanga mā koutou he manawa­nui; kia oti ai i a koutou te mahi tā te Atua i pai ai, e riro tonu ai i a koutou ngā mea i whaka­aria mai rā.

Hiperu 12:1

Nā, i tēnei kapua nui o ngā kai­whaka­atu e kara­poti nei i a tātou, whaka­rērea e tātou ngā whaka­tai­maha katoa, me te hara whaka­eke tata, kia manawa­nui hoki tātou ki te oma i te omanga e takoto nei i tō tātou aro­aro.

Hiperu 13:13

Nā, kia haere atu tātou ki a ia ki waho o te puni, me te mau anō tātou i tōna tāwai­nga.

Hiperu 6:10

E kore hoki te Atua e hē, e ware­ware ki tā koutou mahi, ki te uaua o tō koutou aroha, i whaka­kitea mai e koutou ki tōna ingoa, i a koutou i ata­whai i te hunga tapu, ā, ka ata­whai nei anō.

Hiperu 6:12

Kia kaua e pūhoi, engari kia rite ki tā te hunga i whaka­pono, i whaka­manawa­nui, ā, riro mai ana i a rātou ngā mea i whaka­aria mai.

Hiperu 6:15

Heoi, whaka­manawa­nui ana ia, ā, riro ana i a ia te kupu whaka­ari.

2 Pita 1:6

ki runga ki te mātau­ranga ko te pēhi o te hia­hia; ki runga ki te pēhi o te hia­hia ko te manawa­nui; ki runga ki te manawa­nui ko te kara­kia pai;

Whakakitenga 1:9

Ko ahau tēnei, ko Hoani, ko tō koutou tua­kana, kua uru tahi nei ki te tūkino­tanga, ki te ranga­tira­tanga anō hoki, ki te manawa­nui kei roto i a Īhu, i te motu ahau e huaina nei ko Pātamo, he mea hoki mō te kupu a te Atua, mō te whaka­atu hoki i a Īhu.

Whakakitenga 3:10

Nō te mea kua puri­tia e koe te kupu o tāku manawa­nui, wai­hoki ka puri­tia koe e ahau i te hāora o te whaka­mā­tautau­ranga, i taua hāora meāke nei puta ki te ao katoa, hei whaka­mā­tau­tau i te hunga e noho ana i te whenua.