Whakakitenga 11:3 - Te Kawenata Hou

³ Ā, māku e hoatu he tikanga ki āku kai­whaka­atu toko­rua, e poro­piti hoki rāua, kotahi mano e rua rau e ono tekau ngā rā, he tara­tara anō te kākahu.”

Paipera Tapu 2012

³ Ā, māku e hoatu he tikanga ki āku kaiwhakaatu tokorua, e poropiti hoki rāua, kotahi mano e rua rau e ono tekau ngā rā, he taratara anō te kākahu.”

Te Paipera Tapu 1952

³ A maku e hoatu he tikanga ki aku kaiwhakaatu tokorua, e poropiti hoki raua, kotahi mano e rua rau e ono tekau nga ra, he taratara ano te kakahu.

Whakakitenga 11:3 Iomraidhean Croise

Matiu 11:21

“Auē, te mate mōu, e Korahina! auē, te mate mōu, e Petahaira! Me i meatia ki Tāira, ki Hairona ngā merekara kua meatia nei ki a kōrua, kua rīpenetā kē rāua, he taratara te kākahu me te oke i te pungarehu.

Matiu 18:16

Ā, ki te kore ia e whakarongo, kawea atu hei hoa mōu kia kotahi, kia tokorua rānei, kia mau ai ngā kupu katoa i ngā māngai o ngā kaiwhakarongo tokorua, tokotoru rānei.

Ruka 10:13

“Auē, te mate mōu, e Kora­hina! Auē, te mate mōu, e Petahaira! Me i meatia hoki ki Tāira, ki Hairona ngā mere­kara kua meatia nei ki a kōrua, kua rīpe­netā kē rāua, he tara­tara hoki te kākahu, me te noho i roto i te punga­rehu.

Ruka 24:48

Nā, ko koutou hei kai­whaka­atu mō ēnei mea.

Hoani 15:27

Ko koutou anō hoki hei kai­whaka­atu, nō te mea i ahau koutou nō te tīma­tanga iho rā anō.”

Hoani 3:27

Ka whaka­hoki a Hoani, ka mea, “E kore tētahi mea e riro i te tangata, ki te kore e hōmai ki a ia i te rangi.

Ngā Mahi 1:8

Otiia, ka riro he kaha i a koutou, ina haere mai te Wairua Tapu ki runga ki a koutou, ā, hei kai­whaka­atu koutou mōku ki Hiruhārama, ki Hūria katoa, ki Hamaria hoki, ā tae noa ki te pito whaka­mutu­nga o te ao.”

Ngā Mahi 13:31

Ā, he maha ngā rā i kitea ai ia e te hunga i haere tahi i a ia i Kariri ki Hiruhārama, ko rātou nei ngā kai­whaka­atu mōna ki te iwi.

Ngā Mahi 2:32

Kua whaka­ara­hia ake tēnei Īhu e te Atua: ko mātou katoa ngā kai­whaka­atu.

Ngā Mahi 3:15

Patua ana hoki e koutou te Take o te Ora; kua whaka­ara­hia nei ia e te Atua i te hunga mate, ko mātou nei ōna kai­whaka­atu.

1 Koriniti 12:28

Ā, kua whaka­noho­ia e te Atua ētahi i roto i te hāhi, ko ngā āpō­toro ki mua, tuarua ko ngā poro­piti, tua­toru ko ngā kai­whaka­ako, muri iho ko ngā mere­kara, me i reira ko ngā mana whaka­ora, ko ngā hoa mahi, ko ngā kai­whaka­haere tikanga, ko ngā reo huhua.

2 Koriniti 13:1

Hei tua­toru tēnei mō ōku haere­nga atu ki a koutou. “Mā te māngai o ngā kai­whaka­atu toko­rua, toko­toru rānei, ka ū ai ngā kupu katoa.”

Epeha 4:11

Ā, hōmai ana e ia ko ētahi hei āpō­toro; ko ētahi hei poro­piti; ko ētahi hei kai­kauwhau i te rongo­pai; ko ētahi hei hēpara, hei kai­whaka­ako;

Whakakitenga 1:5

He mea anō nā Īhu Karaiti, nā te kai­whaka­atu pono, ko ia nei te pu­tanga mātā­mua o te hunga mate, te ranga­tira o ngā kīngi o te whenua. Ki a ia, i aroha­ina nei tātou e ia, i horoia anō hoki ō tātou hara ki ōna toto,

Whakakitenga 11:2

Me whaka­rere ia ki waho te marae i te taha ki waho o te whare tapu, kaua tērā e whanganga­tia; kua hoatu hoki ki ngā tauiwi; ā, e taka­taka­hia e rātou te pā tapu, e whā tekau mā rua ngā marama.

Whakakitenga 11:6

Kei a rāua te tikanga mō te kōpani i te rangi, kia kaua e ua te ua i ngā rā o tā rāua poro­piti­tanga. Kei a rāua anō te tikanga mō te whaka­puta kē i ngā wai hei toto, mō te patu anō i te whenua ki ngā patu­nga katoa, i ngā wā e pai ai rāua.

Whakakitenga 12:6

Ā, ka oma te wahine rā ki te koraha, kua rite noa ake hoki i te Atua he kāinga mōna ki reira, ki reira whāngai­nga ai ia, kia taka rā anō ngā rā kotahi mano e rua rau e ono tekau.

Whakakitenga 13:5

Ā, i hoatu ki a ia he māngai, e kōrero ana i ngā kōrero nunui, i ngā kohu­kohu; i hoatu hoki ki a ia he kaha, e mahi ai ia ā taka noa ngā marama e whā tekau mā rua.

Whakakitenga 19:10

Nā, ka takoto ahau ki mua i ōna wae­wae, ka mea kia koro­piko ki a ia. Ā, ka mea mai ia ki ahau, “Kauaka! He hoa pono­nga hoki ahau nō koutou ko ōu tuā­kana kei a rātou nei te whaka­atu o Īhu. Me koro­piko ki te Atua.” Ko te whaka­atu hoki i a Īhu tā te wairua o te poro­piti­tanga.

Whakakitenga 20:4

I kite anō ahau i ngā torōna, e noho ana hoki rātou i runga, i hoatu anō hoki te whaka­wā ki a rātou. I ngā wairua hoki o te hunga i pōutoa mō te whaka­atu­ranga i a Īhu, mō te kupu hoki a te Atua, te hunga kāhore i koro­piko ki te kararehe, ki tōna whaka­pakoko rānei, kīhai hoki i meatia te tohu ki ō rātou rae, ki ō rātou ringa­ringa. Nā, ka ora rātou, ka kīngi tahi me te Karaiti, kotahi mano tau.