Ngā Mahi 26:5 - Te Kawenata Hou

⁵ Mōhio tonu rātou ki ahau ō mua iho, me i pai rātou ki te whaka­atu; ko tāku mahi, i whai i tā te tītore­hanga pakeke rawa o tō tātou kara­kia, i tā te Parihi.

Paipera Tapu 2012

⁵ Mōhio tonu rātou ki ahau ō mua iho, me i pai rātou ki te whakaatu; ko tāku mahi, i whai i tā te tītorehanga pakeke rawa o tō tātou karakia, i tā te Parihi.

Te Paipera Tapu 1952

⁵ Mohio tonu ratou ki ahau o mua iho, me i pai ratou ki te whakaatu; ko taku mahi, i whai i ta te titorehanga pakeke rawa o to tatou karakia, i ta te Parihi.

Ngā Mahi 26:5 Iomraidhean Croise

Ngā Mahi 15:5

Nā, ko te whaka­tikanga o ētahi tāngata whaka­pono nō te tītore­hanga ki ngā Parihi, ka mea, “Me kokoti rātou, me ako hoki kia whaka­ritea te ture a Mohi.”

Ngā Mahi 22:3

“He Hūrai ahau, i whānau ki Tarahu o Kiri­kia, i whaka­tupu­ria i roto i tēnei pā ki ngā wae­wae o Kamariera, i āta whaka­akona ki te tino tikanga o te ture o ngā mātua, i uaua anō ahau mō te Atua, i pēnā me koutou katoa ināia­nei.

Ngā Mahi 22:5

Mā te tohu­nga, nui tēnei kōrero āku e whaka­tika, mā te hui­hui hoki o ngā kaumātua katoa. I riro mai hoki i ahau ā rātou puka­puka ki ngā tēina, ā, haere ana ahau ki Ramahiku, kia herea, kia āra­hina mai hoki te hunga o reira ki Hiruhārama kia whaka­mamae­tia.”

Ngā Mahi 23:6

Ā, nō ka kite a Paora nō ngā Haruki ētahi, ko ētahi nō ngā Parihi, ka karanga ia i roto i te rū­nanga, “E ōku tuā­kana, he Parihi ahau, he tama nā ngā Parihi. Ko te aranga o te hunga mate e tūmanako­hia nei te mea e whaka­wā­kia nei ahau.”

Ngā Mahi 24:14

Otirā, me whāki tēnei e ahau ki a koe, ko te Ara e kīa nei e rātou he tītore­hanga, ko tāku tēnā i ahau e kara­kia nei ki te Atua o ōku mātua; e whaka­pono ana hoki ahau ki ngā mea katoa kua oti te whaka­rite i roto i te ture, kua oti hoki te tuhi­tuhi ki tā ngā poro­piti.

Ngā Mahi 24:5

I mau hoki i a mātou te korokē nei, he tangata whaka­tūtehu, e whaka­oho ana i ngā Hūrai katoa o te ao, ko ia hoki te tino take o te tītore­hanga ki tā ngā Nahareti.