Ngā Mahi 13:2 - Te Kawenata Hou

² Ā, i a rātou e kara­kia ana ki te Ariki, e noho­puku ana, ka mea te Wairua Tapu, “Motu­hia mai ki ahau a Pānapa rāua ko Haora ki te mahi i karanga­tia ai rāua e ahau.”

Paipera Tapu 2012

² Ā, i a rātou e karakia ana ki te Ariki, e nohopuku ana, ka mea te Wairua Tapu, “Motuhia mai ki ahau a Pānapa rāua ko Haora ki te mahi i karangatia ai rāua e ahau.”

Te Paipera Tapu 1952

² A, i a ratou e karakia ana ki te Ariki, e nohopuku ana, ka mea te Wairua Tapu, Motuhia mai ki ahau a Panapa raua ko Haora ki te mahi i karangatia ai raua e ahau.

Ngā Mahi 13:2 Iomraidhean Croise

Matiu 17:21

Otirā, e kore e puta noa te pēnā, mā te īnoi anake mā te nohopuku.”

Matiu 6:16

“Ka nohopuku hoki koutou, kei rite ki te hunga tinihanga, kaua e whakapoururu te kanohi; e whakaahua kē ana hoki rātou i ō rātou kanohi, kia kitea ai e te tangata, e nohopuku ana. He pono tāku e mea nei ki a koutou, Kei a rātou anō te utu mō rātou.

Matiu 9:38

Nā, īnoi atu ki te Ariki nāna te kotinga, kia tonoa e ia he kaimahi ki tāna kotinga.”

Ruka 10:1

Nā, i muri i ēnei mea ka whaka­ritea e te Ariki ētahi atu e whitu tekau, ā, tonoa ana rātou taki­rua, taki­rua, i mua i a ia ki ngā pā katoa, ki ngā wāhi meāke nei ia haere ki reira.

Ruka 2:37

He pouaru, kua waru tekau mā whā rawa ōna tau e pērā ana; heoi, kīhai i mahue i a ia te teme­para; he kara­kia tonu tāna, he noho­puku, he īnoi, i te pō, i te ao.

Ngā Mahi 10:19

Ā, i a Pita e whaka­aro ana mō taua whaka­kite­nga, ka mea te Wairua ki a ia, “Nana, toko­toru ēnei tāngata e rapu ana i a koe.

Ngā Mahi 10:30

Ka mea a Koroniria, “Ka whā ngā rā ināia­nei tae mai ki tēnei hāora, e whaka­rite ana ahau i te īnoi­nga o te iwa o ngā hāora i roto i tōku whare; nā, ko te tangata e tū ana i tōku aro­aro, kanapa tonu te kākahu,

Ngā Mahi 13:3

Nā, ka mutu tā rātou noho­puku me te īnoi, ā, ka popoki iho i ō rātou ringa ki a rāua ka tonoa atu rāua kia haere.

Ngā Mahi 13:4

Nā, ka tonoa nei rāua e te Wairua Tapu, ka haere ki Herukia; ā, rere atu ana i reira ki Kai­peru.

Ngā Mahi 14:26

Ā, rere atu ana i reira ki Anatioka, ki te wāhi i tukua ai rāua ki te aroha noa o te Atua, mō te mahi ka oti nei i a rāua.

Ngā Mahi 20:28

Nā, kia tūpato ki a koutou, ki te kāhui katoa anō i meinga ai koutou e te Wairua Tapu hei kai­tiro­tiro, whāngaia te hāhi a te Atua i hokona nei e ia ki ōna ake toto.

Ngā Mahi 22:21

Nā, ko tāna mea­tanga ki ahau, ‘Haere. Ka ungā hoki koe e ahau ki tawhiti ki ngā tauiwi.’ ”

Ngā Mahi 4:36

Ā, ko Hohi i huaina e ngā āpō­toro ko Pānapa, (ko te tikanga tēnei ina whaka­māori­tia, ko te Tama a te Whaka­mārie­tanga,) he Rīwaiti, ko Kai­peru tōna kāinga.

Ngā Mahi 6:4

Ko mātou ia ka ū tonu ki te īnoi, ki te mahi i te kupu.”

Ngā Mahi 8:29

Nā, ka mea te Wairua ki a Piripi, “Whaka­tata atu, ka haere atu koe ki te hāri­ata rā.”

Ngā Mahi 9:15

Heoi, ka mea te Ariki ki a ia, “Haere; nō te mea he kaupapa whiri­whiri ia nāku, hei mau i tōku ingoa ki te aro­aro o ngā tauiwi, o ngā kīngi, o ngā tama hoki a Īharaira.

Rōma 1:1

Nā Paora, nā te pono­nga a Īhu Karaiti, i karanga­tia hei āpō­toro, i motu­hia ki te rongo­pai a te Atua,

Rōma 10:15

Ā, me pēhea e kauwhau ai, ki te kāhore e tonoa? Ko te mea ia i tuhi­tuhia, “Anō te āta­ahua o ngā wae­wae o te hunga kawe mai i te rongo whaka­hari o ngā mea papai!”

Rōma 15:16

I meinga ai ahau hei minita mā Īhu Karaiti ki ngā tauiwi, hei minita i te rongo­pai o te Atua, kia manako­hia ai te whaka­here o ngā tauiwi, he mea whaka­tapu nā te Wairua Tapu.

1 Koriniti 12:11

Nā, ko ēnei mea katoa, he mea mahi nā taua Wairua kotahi rā anō, ko ia hei tuwha i tāna e pai ai ki tētahi, ki tētahi.

1 Koriniti 7:5

Kaua e kai­ponu tētahi i tētahi; hāunga ia ki te āta whaka­ritea mō tētahi wā, kia ātea ai kōrua ki te noho­puku, ki te īnoi, ka hoki ai anō ki a kōrua, kei ai tō kōrua hia­hia tai­kaha hei whaka­wai mā Hātana i a kōrua.

2 Koriniti 11:27

Māuiui ana, nge­nge ana, he maha ngā mataara­tanga, ngā mate­kai­tanga, ngā mate­wai­tanga, he maha ngā wā i noho­puku ai, i mātao ai, i kore ai he kākahu.

2 Koriniti 6:5

i ngā whiu­nga, i ngā here­here­tanga, i ngā nga­ngare­tanga, i ngā māuiui­tanga, i ngā mataara­tanga, i ngā nohoa­nga puku­tanga;

Karatia 1:15

Otirā, i te mea ka pai te Atua, nāna nei ahau i momotu mai i roto tonu i te kōpū o tōku whaea, i karanga hoki, he mea­tanga nā tōna aroha noa,

Epeha 3:7

Mō reira ahau i meinga nei hei minita, i runga i tā te aroha noa o te Atua, i hōmai nei ki ahau, he mahi­nga nā tōna kaha.

Korohe 4:17

Mea atu hoki ki a Arakipu, “Kia mahara ki te mahi minita kua riro nā i a koe i roto i te Ariki, kia āta mahia mārie­tia.”

1 Timoti 2:7

Ā, meinga ana ahau hei karere, hei āpō­toro mō taua mea; he pono tāku kōrero i roto i a te Karaiti, kāhore āku teka; hei kai­whaka­ako mō ngā tauiwi i runga i te whaka­pono, i te pono.

2 Timoti 1:11

Meinga iho nei ahau hei kai­kauwhau mō tēnei, hei āpō­toro, hei kai­whaka­ako.

2 Timoti 2:2

Ko ngā mea hoki i rongo rā koe ki ahau i ngā kai­whaka­atu toko­maha, tukua ēnā ki ētahi tāngata pono, e pai ana hei whaka­ako ki ērā atu hoki.

2 Timoti 4:11

Ko Ruka anake kei ahau. Tēnā a Māka mauria mai hei hoa mōu; he pai hoki ia mō tāku mahi minita.

2 Timoti 4:5

Kia mau ia koe i ngā mea katoa; tukua atu ngā mamae ki a koe; mahia te mahi a te kai­kauwhau i te rongo­pai; whaka­paua tāu mahi minita.

Hiperu 5:4

E kore anō hoki tētahi e tango i tēnei hōnore ki a ia anō, engari te tangata e karanga­tia ana e te Atua, e pērā­tia ana me Ārona.