Korohe 3:12 - Te Kawenata Hou

¹² Nā, kia rite ki te hunga whiri­whiri a te Atua, ki te hunga tapu e aroha­ina ana, kākahu­ria iho hoki te ngākau tohu tangata, te ngā­wari, te ngākau pāpaku, te ngākau māhaki, te manawa­nui.

Paipera Tapu 2012

¹² Nā, kia rite ki te hunga whiriwhiri a te Atua, ki te hunga tapu e arohaina ana, kākahuria iho hoki te ngākau tohu tangata, te ngāwari, te ngākau pāpaku, te ngākau māhaki, te manawanui.

Te Paipera Tapu 1952

¹² Na, kia rite ki te hunga whiriwhiri a te Atua, ki te hunga tapu e arohaina ana, kakahuria iho hoki te ngakau tohu tangata, te ngawari, te ngakau papaku, te ngakau mahaki, te manawanui;

Korohe 3:12 Iomraidhean Croise

Matiu 24:22

Ā, me i kāhore aua rā i poroa i waenga, hore he kikokiko e ora; otirā, ka whakaaroa te hunga i whiriwhiria, ā, ka poroa aua rā.

Matiu 24:24

E whakatika hoki ngā karaiti teka, me ngā poropiti teka, ā, ka hoatu e rātou ngā tohu nunui, me ngā mea whakamīharo; ā, mehemea e taea, ka māmingatia anō te hunga i whiriwhiria.

Matiu 24:31

Ā, e tonoa e ia āna anahera me te tētere tangi nui, ā, ka huihuia e rātou āna i whiriwhiri ai i ngā hau e whā, i tētahi pito o te rangi puta noa i tētahi pito.

Māka 13:20

Me i kāhore hoki aua rā i poroa i waenga e te Ariki, e kore tētahi kiko­kiko e ora. Otirā, ka whaka­aroa te hunga whiri­whiri i whiri­whiria e ia, ā, poroa ana aua rā i waenga.

Māka 13:22

E whaka­tika hoki ngā Karaiti teka, me ngā poro­piti teka, ka whaka­atu i ngā tohu me ngā mea whaka­mīharo, ā, me i taea, ka māminga­tia e rātou te hunga whiri­whiri.

Māka 13:27

Ko reira anō ia tono ai i āna ana­hera, ā, ka hui­huia ana i whiri­whiri ai i ngā hau e whā, i te pito o te whenua tae noa ki te pito o te rangi.”

Ruka 1:78

He mea hoki nā te aroha, nā te mahi tohu a tō tātou Atua; nā reira hoki i puta mai ai te pūao­tanga o runga ki a tātou,

Ruka 18:7

Ā, e kore rānei te Atua e ngaki i te mate o āna tāngata i whiri­whiri ai, e karanga nei ki a ia i te ao, i te pō, ahakoa whaka­roa noa ia ki a rātou?

Rōma 1:7

Ki te hunga katoa i Roma, e aroha­ina nei e te Atua, ka oti nei te karanga hei hunga tapu. Kia tau ki a koutou te aroha noa me te rangi­mārie, he mea nā te Atua, nā tō tātou Matua, nā te Ariki hoki, nā Īhu Karaiti.

Rōma 13:14

Engari, kākahu­ria iho te Ariki, a Īhu Karaiti, kaua hoki e whaka­aroa wawe­tia te kiko­kiko kia mahia ko ōna hia­hia.

Rōma 9:11

I ngā tama hoki kāhore anō i whānau noa, kāhore anō hoki i mahi te pai, i te kino rānei, he mea kia ū ai tā te Atua i whaka­takoto ai mō te whiri­whiringa, ehara i ngā mahi, engari, nā te kai­karanga;

1 Koriniti 13:4

He manawa­nui te aroha, ā, he ata­whai; e kore te aroha e hae; e kore te aroha e whakaī, e kore e whaka­peha­peha,

2 Koriniti 6:6

i runga i te kino­kore, i te mātau­ranga, i te manawa­nui, i te ngākau ngā­wari, i te Wairua Tapu, i te aroha tini­hanga­kore,

Karatia 5:6

I roto hoki i a Karaiti Īhu kāhore o te kotinga wāhi, kāhore o te kotinga­kore; engari, ko te whaka­pono e mahi ana i runga i te aroha.

Epeha 1:4

i runga i te tikanga i whiri­whiria ai tātou e ia i roto i a ia i mua i te oroko­hanga­nga o te ao, hei hunga tapu, koha­kore i tōna aro­aro. I runga i te aroha

Epeha 4:2

kia pāpaku rawa te ngākau, kia māhaki, kia manawa­nui, kia āta hanga tētahi ki tētahi, i runga i te aroha;

Epeha 4:24

kia kākahu­ria iho hoki ki a koutou te tangata hou, nō tā te Atua nei te hanga­nga i runga i te tika, i te tapu o te pono.

Epeha 4:32

kia ngā­wari tō koutou tikanga tētahi ki tētahi, kia pai te ngākau, me te hohou noa iho i te rongo tētahi ki tētahi, kia pērā anō me te Atua i hohou nei i te rongo ki a koutou i roto i a te Karaiti.

Piripai 1:8

Ko te Atua hoki hei kai­whaka­atu mōku, mō te nui o tōku kōinga ki a koutou katoa, i runga i te ngākau aroha o Īhu Karaiti.

Korohe 3:10

Kua kākahu­ria nei te tangata hou, e whaka­hou­tia nei i runga i te mātau­ranga kia rite ki te āhua o tōna kai­hanga.

1 Teharonika 5:15

Kia tūpato kei hoatu he kino mō te kino e tētahi ki tētahi; engari, i ngā wā katoa whāia he pai mō tētahi, mō tētahi, mō ngā tāngata katoa anō hoki.

2 Timoti 1:9

Nāna nei tātou i whaka­ora, nāna hoki tātou i karanga ki te karanga­tanga tapu; kīhai i rite ki ā tātou mahi, engari ki tāna ake tikanga i whaka­takoto ai i mua, ki te aroha noa hoki i hōmai nei ki a tātou i roto i a Karaiti Īhu, i mua atu o te tīma­tanga o te ao;

2 Timoti 2:10

Koia hoki ahau i whaka­ririka kau ai ki ngā mea katoa he mea mō te hunga whiri­whiri; kia whi­whi ai rātou ki te ora i roto i a Karaiti Īhu, ki te korōria mutunga­kore anō hoki.

Taituha 1:1

Nā Paora, he pono­nga nā te Atua, he āpō­toro nā Īhu Karaiti. I runga i te whaka­pono o te hunga whiri­whiri a te Atua, i te mātau­ranga hoki ki tā te pono e rite ai te kara­kia;

1 Pita 1:2

He hunga kua oti te whiri­whiri, te pērā anō me tā te Atua Matua i mātau ai i mua, i runga i te whaka­tapu­nga a te Wairua, kia ngohe­ngohe, kia tā­uhi­uhia ki ngā toto o Īhu Karaiti. Kia whaka­nuia ki a koutou te aroha noa, me te rangi­mārie.

2 Pita 1:10

Mō konei, e ōku tēina, kia puta tō koutou uaua ki te whaka­pūmau i tō koutou karanga­tanga, i tō koutou whiri­whiringa. Ki te pēnei hoki tā koutou mahi e kore rawa koutou e tapepa.

1 Hoani 4:19

E aroha ana tātou ki a ia, nō te mea ko ia kua mātua aroha ki a tātou.

2 Hoani 1:13

Tēnei te oha atu nei ki a koe, ngā tama­riki a tōu teina whiri­whiri.

Whakakitenga 17:14

E whawhai anō ēnei ki te Reme, e taea anō rātou e te Reme. Nō te mea ko te Ariki ia o ngā ariki, ko te Kīngi o ngā kīngi. Ā, ka taea anō hoki e rātou ko ōna hoa, ko te hunga he mea karanga, he mea whiri­whiri, he hunga pono.”