Thakle 9:4 - Buka Blahi Ka Cheke Holo

⁴ Mare ne cheke eghu ranghidi chechere, “Thosei goigonidi buburu ba gaju ka nathua. Nu goigonidi kolho naikno te theo nogna fagaglana God ka greredire.”

Thakle 9:4 Iomraidhean Croise

Thoutonu Eigna Mae Job 1:10

Iagho doadofrani fabrahu mana baludi thugna nei gobigna lepo te khotodi mana re nei reireghidi mare. Iagho fablahidi nogna gloku mana re, nei rijon aheva te au mana igne la fodu ka sipu, ka kamel, ka buluka nei ka dongki eghu teke tusu lao iagho ka mana ra.

Thoutonu Eigna Mae Job 1:12

Lord ne cheke eghu ka Satan, “Uve, gobigna lepo te au ka mae Job igre, ka khamemu iagho gognarona. Eghume iagho tangomana te eni unha te magnahagheni iagho ka gobigna lepo te khotodi mana re. Nu iagho thosei eni kaisei glepo ka mana.” Aonu Satan jifla ne tei.

Thoutonu Eigna Mae Job 2:6

Lord ne cheke eghu ka mana, “Uve, mana ka khamemu iagho gognaro na, nu iagho thosei faleheni mana.”

Nodi Khoje Hatimare Mae Jiu 76:10

Kate fagnafa aridi sagho nodi diꞌatadi nou mae naoka are, mare ginauna kafe ghatho tahu nigho iagho. Tutuani, neubane au neu katha vido fadiadiꞌa ka mare, tuana ginauna ari huiu ngala ka mare.

Eksodas 12:23

Ka bongi tuana Lord ginau na tei ka vido te gnafa ka kantri Ijep gne mala falelehe mae sua nalhaꞌu teke kulu karha ka naiknodi Ijep. Kate filodi Mana u dadara te au ka geridi nomi grengatha ghotilo re, Mana ginau na ghasa polho ghami ghotilo. Eghuteuna Mana na theome snakreni engel te mala falehe naikno na te ruma te mala falelehe thumi ghotilo re.

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Profet Esikiel 9:6

Ghotilo aknu falehe hui goro mae biꞌo, mae majaghani, goro gaꞌase majaghani, idodi te gnafa baludi thudi mare re. Nu ihei te au fagaglana ka greregna na, ghotilo thosei aknu falehedi. Ghotilo ginauna funu aknu falehe mei ka nogu Sugablahi iara gno.” Aonu, mare ne fufunu aknu falehe mae mala baubatu te au ke ulugna Sugablahi na.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Thakle 14:1

Aonu iara filo tei ne filoni Lam te kegra teu ke kligna gna Thogele Saion, eghuteuna kaisei gobi phiatutu fati thogha naikno kegra neu balugna mana. Nanghadi Lam ghe Kmagna re la kafe auhi ka greredire.

Thakle 6:6

Aonu iara ne nomhini kaisei naogla farihoteidi fati glepo te karha igre ne cheke eghu, “Naiknore ginauna foli katha gano ikoi ka sileni te biꞌo fara! Thosei goigoni nodi oel nei waen teu mare re!”

Thakle 7:1

Ke leghugna igne, iara ne filodi fati engel kegra neu ka fati sulukhugna nauthoglu gne. Mare kegra fanogradi fati nuri ka nauthoglu gne mala thosei ghaghafa mei ka namono ba gaju ba ka nhorora.

Thakle 8:7

Engel ulu lahu na ne ifu nogna khufli na. Aonu nakhete thina nei khaꞌaghi balu dadara ne thofa soru ka nauthoglu na. Eghuteuna ke lamnagna nauthoglu na, kaisei vido biꞌo gna glose baludi buburu te gnafa nei fatilo gaju gna nathua na ne nhako ka khaꞌaghi.